26.09.2026 | 20:38
Քաղաքացին ընկել է ջրհորը. նա հոսպիտալացվել է
«Իշխանությունն ուզում է ֆինանսական պրեսինգի ենթարկել մասնավոր TV-ներին». Նաիրա Զոհրաբյան. ՏԵՍԱՆՅՈՒԹ
Քաղաքականություն
17.12.2019 | 17:28
«Ինձ մոտ արդեն դեժավյուի տպավորություն է, որ մենք վերադառնում ենք այն ռեժիմին, այն կարգերը, որտեղից թվում էր թե, մազապուրծ փախել ենք։ Մասնավորապես խոսքը վերաբերում է հեռուստատեսության ու ռադիոյի հանդեպ վերաբերմունքին»,- օրերս շրջանառության մեջ դրված «Հեռուստատեսության և ռադիոյի մասին» օրենքում փոփոխություն և լրացումներ անելու մասին օրինագծի առիթով ասում է ԱԺ «Բարգավաճ Հայաստան» խմբակցության անդամ Նաիրա Զոհրաբյանը։
Հիշեցնենք, որ ըստ այդ օրինագծի, նախատեսվում է Հանրային հեռուստաընկերությանը վերապահել մեկ եթերային ժամվա ընթացքում մինչև 5 րոպե տևողությամբ վճարովի գովազդ հեռարձակելու իրավունք։
«Ժամանակին խորհրդարանական ընդդիմության պահանջով Հանրային հեռուստաընկերությունից հանվեց վճարովի գովազդը, որովհետև Հանրային հեռուստաընկերության բովանդակությունը, գաղափարախոսությունը այլ է՝ ես չեմ ուզում իմ հարկերով ապրող Հանրային հեռուստաընկերությունում տեսնել ինչ-որ կազմակերպության գովազդը։ Դրա համար կան մասնավոր հեռուստաընկերություններ, նրանց ես չեմ վճարում։ Եթե այս կամ այն գովազդն իմ նյարդերի վրա ազդում է, ես հանգիստ եմ, որ դա իմ և մնացյալ հարկատուների գրպանի հաշվին չէ»,-ասում է տիկին Զոհրաբյանը։
Նա ենթադրում է, որ իշխանությունը շատ վատ խնդիր է դրել իր առջև. «Իշխանությունը, վերադառնալով հին բարքերին, ուզում է լուծել մասնավոր հեռուստաընկերություններին գովազդից կտրելու խնդիրը, այսինքն, մասնավոր հեռուստաընկերություններին ֆինանսական պրեսինգի ենթարկելու, ֆինանսական մահակի տակ պահելու քաղաքականությունն է ընտրված»։
Մանրամասները՝ տեսանյութում:
Մհեր Արշակյան
