18.10.2026 | 12:08
Լիտվայում և Լատվիայում երկնքում անհայտ օբյեկտի պատճառով օդային տագնապ է հայտարարվել
«Հրանտ Մարգարյանի հետ չենք հանդիպել, նրան ՀՅԴ բյուրոյի անդամ չենք ճանաչում»․ ՆԱՈւՄ-ի նախկին անդամ. ՏԵՍԱՆՅՈՒԹ
Քաղաքականություն
16.12.2019 | 15:21
ՀՅԴ Բյուրոյի նախկին ներկայացուցիչ Հրանտ Մարգարյանի հետ չենք հանդիպել, որովհետև մենք նրան չենք ճանաչում Հայաստանի կազմակերպության ղեկավար, առավել ևս՝ բյուրոյի անդամ. այս մասին այսօր՝ «ՆԱՈւՄ-ի ընկերներ» միավորման ասուլիսի ընթացքում նշեց Դաշնակցությունից արտաքսված «Նիկոլ Աղբալյան» ուսանողական միության նախկին անդամ Արտակ Մելիքյանը։
«ԿԳՄՍ նախարարի դեմ ցույցերի մեկնարկից հետո, երբ ուսանողական միությունը չի մասնակցել դրանց, առաջին երկու օրը գերագույն մարմնի անդամները խոսել են մեզ հետ։ Դրանից հետո մեզ հետ Հրանտ Մարգարյանի կողմից ուղարկված մարդիկ են կուլիսային զրույցներ ունեցել։ Գալիս էին և ասում․ «Ինձ ընկեր Հրանտն է ուղարկել, նա տեղյակ չէ կատարվածի մասին, նրան սխալ են զեկուցում, կարող ենք գնալ նրա տուն, դուք պատմեք, ընկեր Հրանտը հարցերը կլուծի»։
Սա ևս մեկ անգամ փաստում է կուսակցության միանձնյա ղեկավարումը»,- ասաց Արտակ Մելիքյանը։
Ըստ նրա՝ վերջին իրադարձություններից ամբողջ կուսակցությունն է տեղյակ․ «Մեծ արձագանքներ կան՝ տարբեր անհատ կուսակցականներից, նաև Հայաստանից, սակայն շարունակում է մեր մասին կեղծ, սուտ, խեղաթյուրված ապատեղեկատվություն տարածվել, որպեսզի կարողանան այլ բան ներկայացնել և սևացնել մեր այս պարկեշտ շարժումը»։
Հիշեցնենք, նախորդ շաբաթ Դաշնակցությունն իր շարքերից հեռացրել էր «Նիկոլ Աղբալյան» ուսանողական միության 3 անդամների, որոնք դեմ էին արտահայտվել ԿԳՄՍ նախարար Արայիկ Հարությունյանի հրաժարականի պահանջով ցույցերին՝ պնդելով, որ երկխոսության միջոցով հնարավոր է հասնել բարձրացված խնդիրների լուծմանը։
Մանրամասները՝ տեսանյութում։
Նելլի Մելքոնյան
