04.07.2026 | 16:09
Տիգրան Խաչատրյանը նոր ռեֆերենտ ունի
Վերին Լարսում կունենանք մաքսային կցորդ. Դավիթ Անանյան. ՏԵՍԱՆՅՈՒԹ
Քաղաքականություն
12.12.2019 | 16:42
Այսօր կառավարության նիստի ժամանակ քննարկվեց Ռուսաստանի Դաշնությունում Հայաստանի Հանրապետության դեսպանությանը կից մաքսային կցորդի կարգավիճակը և գործունեության կարգը սահմանելու մասին Կառավարության որոշման նախագիծը։
ՊԵԿ նախագահ Դավիթ Անանյանը տեղեկացրեց, որ Վերին Լարս միջազգային ավտոմոբիլային անցակետում առաջանում են խնդիրներ, որոնք հիմնականում առնչվում են ՌԴ մաքսային մարմինների կողմից իրականացվող գործառույթներին։
«Բազմիցս քննարկվել է և անհրաժեշտությունից ելնելով՝ դիվանագիտական խողովակներով նաև մեր գործընկերների հետ քննարկման արդյունքում ձեռք է բերվել պայմանավորվածություն, որ այսուհետ Վերին Լարսում կլինի մաքսային կցորդ՝ ՀՀ ներկայացուցիչը, որն ամենօրյա ռեժիմով հնարավորոթյուն կունենա ծագած խնդիրների վերաբերյալ տալ օպերատիվ լուծումներ։ ՌԴ-ում ՀՀ դեսպանատանը կից է ՀՀ մաքսային կցորդը, ունենալու ենք մեկ մաքսային կցորդ, որը ՌԴ-ում ՀՀ դիվանագիտական ծառայության մարմնի խորհրդատվական կարգավիճակ է ունենալու»,- տեղեկացրեց Անանյանը։
Մանրամասները՝ տեսանյութում։
