31.08.2026 | 23:00
Երևանում տեղադրվել է COP17-ի մեկնարկի հետհաշվարկի խորհրդանիշը
ORSIS-ին հանել են Հայաստանի զենքի մատակարարների սև ցուցակից
Քաղաքականություն
10.12.2019 | 12:21
Դատարանի որոշմամբ ռուսական ORSIS («Промтехнология») ընկերությանը հանել են Հայաստանի զենքի մատակարարների սև ցուցակից: Այս մասին ՌԻԱ Նովոստիին հայտնել է Հայաստանում ձեռնարկության շահերը ներկայացնող փաստաբան Ալեքսանդր Սիրունյանը:
«Երևանի ընդհանուր իրավասության դատարանը բավարարել է մեր միջնորդությունը և դադարեցրել ՀՀ Ֆինանսների նախարարության որոշման գործողությունը՝ ORSIS-ն պետական գնումներին մասնակցելու իրավունք չունեցող սուբյեկտների սև ցուցակում ներառելու մասին»,- ասել է Սիրունյանը:
Նա նշել է, որ ORSIS-ը կրկին իրավունք ունի մասնակցել մրցույթների և մատակարարումներ իրականացնել հայկական ուժային գերատեսչություններին:
ORSIS-ը, հիշեցնենք, Հայաստանի ԶՈՒ-ի և ուժային այլ կառույցների զենքի մատակարարների սև ցուցակում հայտնվել էր, երբ ՀՀ Պաշտպանության նախարարությունը տապալել էր մի քանի միլիոն դոլար արժողությամբ ռազմական տեխնիկայի մատակարարման մրցույթը: Մրցույթին մասնակցում էր նաև ռուսական ընկերությունը:
Ավելի ուշ ՌԴ Առևտրի և արդյունաբերության նախարարությունը նամակ էր ուղարկել ՀՀ պաշտպանության նախարար Դավիթ Տոնոյանի անունով՝ որոշումը «չպատճառաբանված» որակելով:
Մրցույթի տապալման փաստով քրեական գործ էր հարուցվել ՀՀ քրեական օրենսգրքի 376 հոդվածով («ծառայության նկատմամբ անփութություն»), որը քննվում է Հայաստանի Հատուկ քննչական ծառայությունում:
