27.04.2026 | 18:19
«Ֆոքսիսը»՝ բասկետբոլի կանանց Հայաստանի չեմպիոն․ ՏԵՍԱՆՅՈՒԹ
Ժողովրդավարության պահապանից՝ ժողովրդավարության բանտապան․ Արման Բաբաջանյանը ՍԴ-ի՝ վերջին 20 տարվա գործունեության մասին. ՏԵՍԱՆՅՈՒԹ
Քաղաքականություն
10.12.2019 | 11:39
Երկու տասնամյակից ավելի ՍԴ-ն հանդիսացել է այն ատյանը, որը ձախողելով իր սահմանադրական առաքելությունը՝ հովանավորել, իսկ որոշ դեպքերում խթանել է ՀՀ-ում հակաժողովրդական, հակաիրավական զարգացումները։ Այս մասին ԱԺ-ում իր ելույթի ժամանակ ասաց պատգամավոր Արման Բաբաջանյանը։
«ՍԴ-ի՝ վերջին առնվազն 2 տասնամյակի գործունեությունը պատկերավոր նկարագրությամբ կարելի է բնութագրել որպես ժողովրդավարության պահապանից ժողովրդավարության բանտապանի վերածվելու դերակատարություն։ ՀՀ-ում կա սահմանադրական ճգնաժամ։ Գրեթե, բոլոր դեպքերում ՍԴ-ում ընտրությունների արդյունքների վիճարկման գործընթացն ուղեկցվել է քաղաքական հետապնդումներով, ջարդարարությամբ, բանտարկություններով, սպանություններով։ Համոզված կարող ենք պնդել, որ այս խնդրո առարկա դատարանը գործուն մասնակցություն է ունեցել անցած ավելի քան 15 տարիների բոլոր ընտրությունների ու հանրաքվեների կեղծման գործընթացին։ Այս պայմաններում մենք նրանց ու ընդհանրապես ՍԴ-ի գործունեությանն իրավաքաղաքական գնահատական տալու փոխարեն առաջարկում ենք արտոնյալ պայմաններոով պաշտոնաթող լինել։ Այսօր ՍԴ անդամների նկատմամբ պատասխանատվության միջոցների կիրառման փոխարեն առաջարկվում է կենսաթոշակ՝ աշխատավարձի չափով»,- ասաց Բաբաջանյանը։
Հիշեցնենք, որ Ազգային ժողովում քննարկվում է Կառավարության կողմից ներկայացված Սահմանադրական դատարանի մասին Սահմանադրական օրենքում լրացում կատարելու մասին և Պաշտոնատար անձանց գործունեության ապահովման, սպասարկման և սոցիալական երաշխիքների մասին օրենքում լրացում կատարելու մասին նախագծերի փաթեթն առաջին ընթերցմամբ ընդունելու հարցը։
Մանրամասները՝ տեսանյութում։
