16.07.2026 | 01:03
ԱԱ-2026․ Եզրափակիչում՝ Իսպանիա – Արգենտինա․ ՏԵՍԱՆՅՈՒԹ
Օրենքը չի կարող Հայաստանում խաթարել ավանդական ընտանեկան արժեքները. ՄԻՊ-ը «Ընտանեկան բռնության մասին» օրենքի նախագծի մասին
Հասարակություն
11.10.2017 | 15:49
Հույս ունեմ, որ այս քննարկումները կբերեն ընդհանուր մոտեցումների, որովհետև դրանք հիմա պետք է տեղափոխել պրոֆեսիոնալ դաշտ. այսօր խորհրդարանական լսումներից հետո անդրադառնալով «Ընտանեկան բռնության մասին» օրենքի նախագծին ասաց Մարդու իրավունքների պաշտպան Արման Թաթոյանը:
«Ընտանիքում բռնությունների կանխարգելման ոլորտի իրավական կարգավորումն ունի շատ կարևոր նշանակություն, մենք պետք է գնանք այդ ուղղությամբ, բայց այստեղ չեն կարող լինել կարգավորումներ, որոնք հաշվի չեն առնի կողմերի մտահոգությունները, որովհետև այս օրենքը կարգավորում է համակարգային փոփոխություններ»,- ասաց ՄԻՊ-ը՝ ընդգծելով, որ կարևոր է քննարկումները պրոֆեսիոնալ դաշտում իրականացնելը:
«Այն, որ այս օրենքի նախագիծը առաջացնելու էր վեճեր, դա, կարծում եմ, սպասելի էր, քանի որ կան օրենքի նկատմամբ թյուրընկալումներ»,- նկատեց պաշտպանը:
Հարցին՝ այս փոփոխությամբ ավանդական ընտանեկան մոդելի խաթարում տեսնո՞ւմ է, պատասխանեց, որ այս օրենքը չի կարող Հայաստանում խաթարել ավանդական ընտանեկան արժեքները. «Այս մտահոգությունները փարատելու համար, առաջարկելու եմ ձևակերպումներ, որոնք կամրագրեն այդ նպատակները, որ օրենքը չի կարող երբևէ խաթարել ավանդական ընտանեկան արժեքները ոչ միայն հայկական ավանդական, այլ նաև մյուս ազգային փոքրամասնությունների, որոնք ապրում են ՀՀ-ում»:
Մանրամասները՝ տեսանյութում:
