27.10.2026 | 11:15
Պատերազմի մեկնարկից ի վեր առաջին անգամ Ռուսաստանն իրավունք է ստացել օլիմպիական մարզաձևի աշխարհի առաջնություն հյուրընկալել
Կայացավ Հովհ․ Թումանյանի մասին պատմող 2D մուլտֆիլմի շնորհանդեսը. ՏԵՍԱՆՅՈՒԹ
Հասարակություն
22.11.2019 | 21:31
Հովհաննես Թումանյանի թանգարանի նորաբաց մուլտսրահում կայացավ«Հովհաննես Թումանյան» 2D մուլտֆիլմի շնորհանդեսը։
Թանգարանի տնօրեն Անի Եղիազարյանը Factor.am-ի հետ զրույցում նշեց․ «Փոքրիկ սրահ ենք առանձնացրել մեր թանգարանում, որպեսզի հարմարավետ լինի, այցելուները կարողանան մուլտֆիլմեր դիտել։ Միջազգային փորձն ուսումնասիրելով հասկացանք, որ շատ ընդունված ձևաչափ է՝ մեծանուն մտավորականներին ներկայացնել երեխաներին մատչելի լեզվով։ Թումանյանի մասին պատմող մուլտֆիլմը հենց այդպիսին է։ Այն հենց այնպես չի ստեղծվել․ հասունացված պահանջ կար»։
Հովհաննես Թումանյանի տուն-թանգարանի տնօրենի տեղեկացմամբ՝ մեծանուն գրողի մասին անիմացիոն մուլտֆիլմ ստեղծելու գաղափարը թանգարանի նախկին տնօրեն Նարինե Թուխիկյանինն է։
Ըստ նրա՝ այս պահին աշխատում են մուլտֆիլմի արևմտահայերեն և անգլերեն տարբերակների վրա։ «Հունվարից այն հասանելի կլինի նաև համացանցում»,- ասաց Անի Եղիազարյանը։
Մանրամասները՝ տեսանյութում։
Նելլի Մելքոնյան
