Հասարակություն
22.11.2019 | 18:41«Անում էր, ինչ ասում էր։ Շատ մարդիկ են խոստանում, բայց քչերն են գործում։ Լեոնիդն, ընդհակառակը, ամեն ինչ անում էր»,- այս մասին այսօր՝ Արցախի հերոս, ռազմական գործիչ Լեոնիդ Ազգալդյանի ծննդյան 77 ամյակին նվիրված միջոցառման ընթացքում լրագրողների հետ զրույցում ասաց Ազգալդյանի անմիջական հրամանատարության տակ կռված Հովսեփ Հովսեփյանը։
«Լեոնիդը չէր սիրում իր ծննդյան օրը, համեստ էր։ Սիրում էր ընկերների հետ շփվել։ Նրա ծնունդն ամեն օր էր, երբ մարտական ընկերների հետ էր։ Այսօր մենք պարտավոր ենք մեծարել և ժողովրդին ներկայացնել նրան»,- ասաց Հովսեփյանը։
Նրա խոսքով՝ խորհրդային տարիներին Վարդենիսի շրջանում Լեոնիդ Ազգալդյանը երեք գաղտնի ճամբար է ստեղծել․ «Այնտեղ տղաներին մարզում էր, որպեսզի Քարվաճառն ազատագրեին։ Իր զոհվելուց հետո մենք շարունակել ենք կռվել, որպեսզի իրականացնենք մեր հրամանատարի երազանքը»։
Մանրամասները՝ տեսանյութում։
Նելլի Մելքոնյան
