13.01.2026 | 10:16
Պետդեպարտամենտում այսօր Մարկո Ռուբիոն կընդունի Արարատ Միրզոյանին
Ես ունեմ շատ մտերիմ քրեական հեղինակություններ, բայց․․․ Արման Բաբաջանյան. ՏԵՍԱՆՅՈՒԹ
Քաղաքականություն
19.11.2019 | 15:52
Այս օրենքը պետք է անվերապահ աջակցության արժանանա, սա այն օրենքն է, որը մեկ քայլ առաջ պետք է տանի հեղափոխության տրամաբանությունը և հեղափոխության առաջնորդի խոստումն այս մասով։ Այս մասին ԱԺ-ում իր ելույթի ժամանակ ասաց «Լուսավոր Հայաստան» խմբակցության պատգամավոր Արման Բաբաջանյանը։
«Ես պատվով կրել եմ 3․5 տարվա անազատությունը, նույն խցում օրենքով գողի հետ եմ մի քանի ամիս անցկացրել, քրեական հեղինակություններ ունեմ շատ մտերիմ, որոնք անազատությունից հետո են ինձ հետ մտերմացել, պետք է ասեմ, որ չեմ հանդիպել գեթ մեկ օրենքով գող և քրեական հեղինակություն, ով ցանկացել է, որ իր երեխան այդ կյանքով շարունակի ապրել և այդ նույն հետագիծն իր համար որդեգրի։ Սա, կարծում եմ, ամենախոսուն վկայությունն է և պատգամն այս խորհրդարանին հիմնավորապես արմատախիլ անել հնարավոր և անհնար միջոցներով այդ շրջանակներին և տրամադրությունները մեզանում»,- նշեց Բաբաջանյանը։
Հիշեցնենք, որ ԱԺ-ն քննարկում է Կառավարության կողմից ներկայացված Հայաստանի Հանրապետության քրեական օրենսգրքում փոփոխություններ և լրացում կատարելու մասին և ՀՀ քրեական դատավարության օրենսգրքում լրացում կատարելու մասին օրենքների փաթեթն առաջին ընթերցմամբ ընդունելու հարցը։
Մանրամասները՝ տեսանյութում։
