07.09.2026 | 17:54
Արարատ Միրզոյանն ու Լատվիայի ԱԳ նախարարը արձանագրություն են ստորագրել
Ռուսլան Բաղդասարյանը քաղաքական հետապնդում է դիտարկում իրեն քրեական պատասխանատվության ենթարկելու շարունակական փորձերը․ փաստաբան
Հասարակություն
11.11.2019 | 15:11
Երևանի ընդհանուր իրավասության դատարանը որոշում է կայացրել Դավթաշեն վարչական շրջանի նախկին ղեկավար Ռուսլան Բաղդասարյանի նկատմամբ որպես խափանման միջոց գրավ կիրառել:
Բաղդասարյանի պաշտպան Հրանտ Անանյանը Factor.am-ի հետ զրույցում նշեց, որ իրենք գրավի չափն առաջարկել էին մինչև 3 մլն դրամ, բայց դատարանը չգիտես՝ ինչու, սահմանել է 5 մլն դրամը։ Փաստաբանը նկատեց, որ Ռուսլան Բաղդասարյանն իրեն առաջադրված մեղադրանքը չի ընդունում։
«Նա քաղաքական հետապնդում է դիտարկում իրեն քրեական պատասխանատվության ենթարկելու ձեռնարկվող այս շարունակական փորձերը»,- նշեց Հրանտ Անանյանը։
Ավելի վաղ տեղեկացրել էինք, որ Դավթաշեն վարչական շրջանի նախկին ղեկավար Ռուսլան Բաղդասարյանին մեղադրանք է առաջադրվել ՀՀ քրեական օրենսգրքի 179-րդ հոդվածի 3-րդ մասի 1-ին կետով (առանձնապես խոշոր չափերով յուրացում), 314-րդ հոդվածով (պաշտոնեական կեղծիք) և 325-րդ հոդվածի 2-րդ մասով (փաստաթղթերի կեղծում, որը կատարվել է մի խումբ անձանց կողմից նախնական համաձայնությամբ։
Ա․Ա․
