Իջևանի պատկերասրահի շենքը կռվախնձոր է դարձել

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

Իջևանի «Վերնատուն» պատկերասրահի շենքը կռվախնձոր է դարձել Աշխատանքի և սոցիալական հարցերի նախարարության ու արվեստագետների միջև:

Պատճառն այն է, որ Իջևանի համայնքապետարանի որոշմամբ շենքից երկու հարկ հատկացվել է մեկ պատուհանի սկզբունքով համալիր սոցիալական ծառայություն մատուցող գրասենյակին: Ընդ որում համայնքային պատկանելության շենքը Աշխատանքի և սոցիալական հարցերի նախարարությանը տրամադրվել է չորս տարի առաջ: Մարզի արվեստագետները մշտապես դժգոհել են, բայց խնդիրը լուծում չի ստացել:

«Իջևանի նախկին քաղաքապետը որոշեց, որ այդ շենքը օգտագործվելու է այլ նպատակների համար: Պատկերասրահի աշխատակիցները ինձ խնդրում են, որ պատկերասրահը փրկեմ: Աշխատակիցները դեմ են, որ սոցապնախարարությանը հանձնեն շենքը, բայց լսող չկա»,- Factor.am-ի հետ զրույցում ասաց Տավուշի նկարիչների միության նախագահ Արմինե Թումանյանը:

Նա կարծում է, որ Իջևանի նախկին քաղաքային իշխանությունը պատկերասրահի շենքը Սոցապնախարարությանը հանձնել է պահպանման ծախսերի գլխացավանքից ազատվելու համար. «Այս տարվա սեպտեմբերից նշանակվել է քաղաքապետի նոր պաշտանակատար, և նա որոշումը չի փոխում: Մշակութային օբյեկտը ինչպե՞ս կարելի է այլ նպատակով օգտագործել: Ամուսինս Տավուշի մարզպետն է, նա փորձեց այլ կառույցներ առաջարկել, բայց նախարարությունում հրաժարվեցին, այդ թվում նաև մարզպետարանի շենքերից: Նախարարությունում երկու ոտքը մեկ կոշիկի մեջ դրած՝ ասում են, որ դրանք չենք հավանում»:

Արմինե Թումանյանի ներկայացմամբ՝ նախարարությունը մարզպետարանի առաջարկած շենքերից հրաժարվել է դրանց վթարային լինելու պատճառով, մինչդեռ պատկերասրահի շենքը ևս վթարային է:

Աշխատանքի և սոցիալական հարցերի նախարարի տեղակալ Գեմաֆին Գասպարյանը թեմայի շուրջ պարզաբանումներ ներկայացնելիս պնդեց, որ ամիսներ շարունակ նոր կառույցի առաջարկների են սպասել, բայց առաջարկած ոչ մի տարբերակ չի համապատասխանել սահմանված չափանիշներին։ Տարբերակների մեծ մասի վերանորոգումը, ըստ նրա, կրկնակի կամ եռակի թանկ կարժենար։

«Մեկ պատուհանի սկզբունքով համալիր սոցիալական ծառայությունը, որն ունենալու ենք Իջևանում, փորձելու ենք համադրել: Առանձին մուտքեր են լինելու: Մենք նախատեսել ենք, որ առաջին հարկում ունենալու ենք փոփոխվող պատկերասրահ, երկրորդ հարկն ամբողջությամբ վերանորոգվելու է և տրվելու է այսօրվա պատկերասրահին, իսկ կառուցվելիք երրորդ հարկում աշխատասենյակներ են լինելու: Այն մարդիկ, որոնք կգան մեր ծառայություններից օգտվելու, իրենք անմիջապես կներգրավվեն արվեստի մեջ»,- ներկայացրեց փոխնախարարը։

Իջևանի «Վերնատուն» պատկերասրահի տնօրենի պաշտոնակատար Հայկ Ասիլյանը Factor.am-ի հետ զրույցում թեև նշեց, որ շենքում սոցիալական ծառայության տեղակայումը ինչ-որ առումով կխանգարի ցուցադրություններին, բայց և՝ նկատեց, որ դա շենքը վերանորոգելու միակ տարբերակն է. «Ես դեմ չեմ, որ այդ կենտրոնը բացվի, քանի որ դա միակ տարբերակն է, որ շենքը վերանորոգվի: Այս շենքն այս վիճակով չի կարելի թողնել: Առաջին և երկրորդ հարկերում մշտական ցուցադրություններ ենք կազմակերպում, առաջին հարկը շատ հարմար է, բայց որ այդ դահլիճը հատկացնեն ծառայությանը՝ կխանգարի ցուցադրությանը: Մյուս կողմից էլ՝ եթե այդ ծրագիրը չիրականացվի, շենքը չի վերանորգվի, քանի որ քաղաքապետարանը միջոցներ չունի»:

Պատկերասրահի տնօրենի պաշտոնակատարի փոխանցմամբ՝ շենքի վերանորոգման համար 250 մլն դրամի ներդրում է կատարվելու:

Նարեկ Կիրակոսյան