«Եկեղեցու պատմությունն արհեստականորեն ներմուծված առարկա է»․ Թագուհի Ղազարյան. ՏԵՍԱՆՅՈՒԹ

Լուրեր

28.03.2024 | 17:33
Լատվիայի ԱԳ նախարարը հրաժարական է տվել
28.03.2024 | 17:22
Ֆրանսիայում «Նելսոն» փոթորկի պատճառով դադարեցվել է գնացքների երթևեկությունը
28.03.2024 | 17:10
Պարզվել է 20-ամյա հղի կնոջ մահվան պատճառը. մեղադրանք է ներկայացվել բժշկական կենտրոնի երեք բժշկի
28.03.2024 | 17:00
Գերմանիայի նախկին կանցլերը հայտարարել է, որ Պուտինի հետ իր մտերմությունը կօգնի դադարեցնել Ուկրաինայում պատերազմը
28.03.2024 | 16:48
Ոստիկանության բարեփոխումների 2020-2022թթ․ ռազմավարության գնահատման հետազոտություն․ ՀՔԱՎ
28.03.2024 | 16:37
Ահաբեկչության ժամանակ «Կրոկուս»-ում հրդեհաշիջման համակարգը նորմալ է աշխատել, հրդեհային ելքերը բաց են եղել. ադրբեջանցի սեփականատիրոջ որդի
28.03.2024 | 16:26
Օդի ջերմաստիճանը աստիճանաբար կբարձրանա 8-10 աստիճանով
28.03.2024 | 16:24
ՀՀ կառավարությունը 29. 94 տոննա մարդասիրական օգնություն առաքեց Գազա․ ԼՈՒՍԱՆԿԱՐՆԵՐ
28.03.2024 | 16:18
Գերմանիայում 5 մարդ մեղադրվում է հակառուսական պատժամիջոցները խախտելու մեջ․ նրանք օգնել են Siemens-ի տուրբիններ մատակարարել Ղրիմ
28.03.2024 | 16:07
Գյումրիում հանրային սննդի օբյեկտը կվերսկսի իր գործունեությունը
28.03.2024 | 15:55
Անհապաղ հայրենադարձնել Ադրբեջանում պահվող բոլոր հայ գերիներին․ զեկույց ուղղված՝ ՄԱԿ-ի Խոշտանգումների դեմ կոմիտեին՝ Ադրբեջանի 5-րդ դիտարկմանն ընդառաջ
28.03.2024 | 15:51
ԱՄՆ Կոնգրեսի պատվիրակությունը մեկնում է Թուրքիա. քննարկվելու է նաև F-16-ի հարցը
28.03.2024 | 15:44
Ուժի մեջ է մտնում տուգանքների վճարման բոնուսային համակարգը
28.03.2024 | 15:41
ԱԺ աշխատանքի և սոցիալական հարցերի մշտական հանձնաժողովի նիստը՝ ՈՒՂԻՂ
28.03.2024 | 15:36
Գերմանիան ավելացնում է զենքի սեփական պաշարները. Bloomberg
Բոլորը

Factor.am-ի հարցազրույցը ՀՀ ԱԺ «Իմ քայլը» խմբակցության անդամ Թագուհի Ղազարյանի հետ

-Մի խումբ երիտասարդներ նստացույց են անում Կրթության, գիտության, մշակույթի և սպորտի նախարարության դիմաց և պահանջում են նախարար Արայիկ Հարությունյանի հրաժարականը։ Ինչպե՞ս եք վերաբերվում երիտասարդների շարժմանը և նրանց պահանջներին:

-Անկեղծ ասած՝ այս մի քանի օրերի երիտասարդներին կբաժանեի մի քանի խմբի. մի մասը քաղաքական նպատակահարմարությամբ շահարկող խմբեր են, որոնց բողոքի ակցիաներին որևէ կերպ չեմ վերաբերվում, որովհետև նրանք ներկայացնում են մի կուսակցություն, որը տասնյակ տարուց ավելի ունեցել է կրթության և գիտության նախարարական պորտֆել և, կարծես թե, նման պահանջներ, օրինակ՝ կրթության և գիտության ֆինանսավորման ավելացման պահանջ չի հնչեցրել: Շատ հարմար համակերպվել են այն իրավիճակի հետ, որը եղել է, և որը բոլորովին լավ իրավիճակ չէր, մեր մեջ ասած։ Մյուսը բանասիրական ֆակուլտետի ուսանողներն են և պրոֆեսորադասախոսական կազմը, որոնց կողմից գրավոր որևէ հայտարարություն, տեքստ չեմ տեսել, և ինչքանով հետևել եմ ռեպորտաժներին, չեմ լսել հրաժարականի պահանջ, այլ լսել եմ ռազմավարության մի կետի վերանայման պահանջ։ Բոլոր այն խմբերը, որոնք ազնիվ մտահոգություն ունեն կրթության ռազմավարության փոփոխության հետ կապված, ոչ թե քաղաքական շահադիտական նպատակներով են շահարկում այս վիճակը, բոլոր այդ խմբերը կարող են լինել մեր երկխոսության թիրախը: Նրանց հետ կարող ենք երկխոսել այն հարցերի շուրջ, որոնք նրանց մտահոգում են, ներկայացնել առաջարկներ։ Այսինքն՝ երկխոսության հնարավորությունը չեմ բացառում, բայց ոչ նրանց հետ, որոնք պատասխանատու են այսօրվա իրավիճակի համար։

-Մինչև ո՞ւր կարող է խորանալ այս շարժումը, արդյո՞ք կարիք չկա հասարակությանը բացատրել, թե ինչու են այդ փոփոխություններն արվում։

-Իհարկե՝ կարիք կա բացատրելու, և այդ աշխատանքը տարվում է, եթե նկատել եք՝ տարբեր գործիչների կողմից այդ խոսակցությունը մեկնարկել և շարունակվում է։ Դաշնակցական երիտասարդների կողմից նախաձեռնած շարժումը որևէ հեռանկար չունի։ Չգիտեմ, դա իրենց քաղաքացիական իրավունքն է, կարող են օգտվել դրանից, բայց ես չեմ կարծում, թե իրենք այդքան մեծ վստահություն ունեն, որպեսզի կրթության ոլորտի խնդիրները հանրությունն իրենց պատվիրակի։

-Դուք վերջերս ասել եք, որ Նաիրա Զոհրաբյանի ամեն երկրորդ բառում տեսնում եք մարդու իրավունքների ոտնահարման փորձ։ Նաիրա Զոհրաբյանը նկատում է, որ ինքը պաշտպանում է սոցիալական բոլոր խմբերի իրավունքները։ Որտե՞ղ է խնդիրը։

-Երբեմն տիկին Զոհրաբյանը,- չէի ուզի իր հետ այսպիսի հեռակա զրույցով խոսել,- մարդկանց պիտակավորելու համար գործածում է այլ խոցելի խմբերին բնորոշ հատկություններ։ Օրինակ՝ մարդկանց ասում է հոգեկան հիվանդներ, մինչդեռ ինքը կոչված է պաշտպանել բոլորի շահերը։ Լրագրողն ինձ հարցրեց՝ արդյո՞ք Նաիրա Զոհրաբյանը լավ է պաշտպանում մարդկանց իրավունքները։ Խոսակցության կոնտեքստում լսած կլինեք, որ խմբակցությունը ցանկանում է տիկին Զոհրաբյանին հեռացնել հանձնաժողովի նախագահի պաշտոնից։ Նման խոսակցություն չի եղել, բայց լավ միտք է։

– Այսինքն՝ գուցե լինի թեմա։

-Իրականում լրագրողները դա հուշեցին, նման խոսակցություն չկա: Բայց եթե նույն ոգով շարունակվի, պետք է խնդրայնացնել այս թեման՝ արդյո՞ք տիկին Զոհրաբյանը կարողանում է պաշտպանել բոլոր խոցելի խմբերին, -ինքն ասում է խավերին,- ու սոցիալական շերտերին, թե՞ չի կարողանում։

-Իսկ ինչպիսի՞ն է Ձեր վերաբերմունքը Եկեղեցու պատմությունը դպրոցական առարկաներից հանելու վերաբերյալ։ Մայր Աթոռի դիրքորոշումն անփոփոխ է՝ առարկան պետք է մնա։ Հնարավո՞ր է առճակատում եկեղեցու և Կառավարության միջև։

-Պատճառաբանությունը ո՞րն է։ Եկեղեցու պատմությունը կապվում է հայրենասիրության հետ։ Ես եկեղեցու պատմություն անցել եմ դպրոցում՝ ի տարբերություն Ձեզ։ Եվ ստացվում է, որ ես Ձեզանից ավելի հայրենասե՞ր եմ։ Ես իրականում չեմ կարող նման պնդում անել որևէ քաղաքացու հանդեպ, որովհետև ես վստահ եմ, որ ՀՀ բոլոր քաղաքացիները շատ են սիրում իրենց հայրենիքը, և պետք չէ ինչ-որ ուղիներ փնտրել՝ սովորեցնելու, թե ինչպես սիրել Հայրենիքը։ Իրենցից յուրաքանչյուրը գիտի՝ ինչպես սիրել Հայրենիքը, և դա արհեստական ու սովորեցնովի չէ։ Ինչ վերաբերվում է եկեղեցու պատմությանը, ես կարծում եմ, որ դա արհեստականորեն ներմուծված առարկա է:

Հարցազրույցն ամբողջությամբ՝ տեսանյութում:

Մհեր Արշակյան