15.10.2026 | 12:34
Խնդիր եմ դրել՝ մինչև 2031թ․ վավերացնել խաղաղության պայմանագիրը. Փաշինյան․ ՏԵՍԱՆՅՈՒԹ
Գրեմմիի քառակի դափնեկիր, աշխարհահռչակ սոպրանո Ռենե Ֆլեմինգը համերգով հանդես կգա Երևանում
Մշակույթ
06.10.2017 | 18:49
ՀՀ մշակույթի նախարարության աջակցությամբ՝ ս. թ. հոկտեմբերի 7-ին, ժամը 19:00-ին, Ա. Սպենդիարյանի անվան օպերայի և բալետի ազգային ակադեմիական թատրոնում, «Երևանյան հեռանկարներ» միջազգային փառատոնի շրջանակում կկայանա աշխարհահռչակ սոպրանո Ռենե Ֆլեմինգի համերգը, որը նվիրվում է թատրոնի 85-ամյակին: Համերգին կմասնակցի օպերային թատրոնի նվագախումբը՝ դիրիժոր Կոնստանտին Օրբելյանի ղեկավարությամբ:
«Երևանյան հեռանկարներ» միջազգային փառատոնն անցկացվում է ՀՀ Նախագահ Սերժ Սարգսյանի բարձր հովանու ներքո, ՀՀ մշակույթի նախարարության, Երևանի քաղաքապետարանի աջակցությամբ:
Երգչուհին 4 անգամ արժանացել է հեղինակավոր Գրեմմի մրցանակի:
Նշենք, որ հոկտեմբերի 6-ին, ժամը 13:00-ին, Ա. Սպենդիարյանի անվան օպերայի և բալետի ազգային ակադեմիական թատրոնում երգչուհին հանդես է եկել մամուլի ասուլիսով, որին մասնակցել են նաև «Երևանյան հեռանկարներ» փառատոնի հիմնադիր նախագահ և գեղարվեստական ղեկավար, կոմպոզիտոր Ստեփան Ռոստոմյանը, փառատոնի գլխավոր մենեջեր Սոնա Հովհաննիսյանը, Ա. Սպենդիարյանի անվան օպերայի և բալետի ազգային ակադեմիական թատրոնի տնօրեն և գեղարվեստական ղեկավար Կոնստանտին Օրբելյանը:
