21.12.2025 | 22:02
Ֆուտզալի Հայաստանի հավաքականը հաղթեց Մոլդովային
Գրավը Քոչարյանի դեպքում անթույլատրելի է. Սեդա Սաֆարյան
Հասարակություն
05.11.2019 | 15:20
Մարտի 1-ի գործով տուժողի ներկայացուցիչ Սեդա Սաֆարյանն այսօր դատարանում առարկեց Ռոբերտ Քոչարյանին գրավի դիմաց ազատ արձակելու միջնորդության դեմ: Նա Մարտի 1-ի գործից մի քանի դրվագ ներկայացրեց, որոնք, ըստ Սաֆարյանի, փաստում են այն հանգամանքը, որ Քոչարյանը կարող է ազդել գործի արդարացի քննության վրա:
Սեդա Սաֆարյանի խոսքն ընդհատեցին Քոչարյանի պաշտպանները: Հայկ Ալումյանն ասաց, որ նա վիրավորական արտահայտություններ է հնչեցնում, իսկ Ռուբեն Սահակյանն էլ ասաց՝ սուտ է:
«Տվյալներ կան այն մասին, որ նախաքննության ընթացքում մի շարք բարձրաստիճան անձինք ցուցմունքներ են տվել, թե ինչպես է իշխանությունը շահագրգիռ եղել, որ իրադարձությունները միջազգային հանրության մոտ չերևան, փոխվել են ապացույցներ, որոնք գլխավորել է երկրորդ նախագահ Ռոբերտ Քոչարյանը»,- ասաց Սաֆարյանը:
Մանրամասները՝ տեսանյութում:
Լիլիթ Շաբոյան
