04.10.2026 | 11:12
ՀՀ տարածքում ավտոճանապարհներն անցանելի են
Արթուր Վանեցյանի դեմ քրեական գործ չի հարուցվի. դատարանը հրապարակեց որոշումը
Հասարակություն
17.10.2019 | 10:23
Դատարանն այսօր Կարեն Ֆարխոյանի նախագահությամբ կայացած նիստում որոշեց մերժել «Իրազեկ քաղաքացիներ» միավորման ծրագրերի համակարգող Դանիել Իոաննիսյանի բողոքը։
Իոաննիսյանը, հիշեցնենք, բողոքարկել էր ՀՔԾ-ի այն որոշումը, որով ԱԱԾ նախկին տնօրեն Արթուր Վանեցյանի դեմ քրեական գործ չէր հարուցվել։ Ըստ էության դատարանը համակարծիք էր ՀՔԾ-ի հետ։ Եթե բողոքը բավարարվեր, ապա Արթուր Վանեցյանի դեմ քրեական գործ կհարուցվեր։
Հիշեցնենք, որ Արթուր Սաքունցն ու Դանիել Իոաննիսյանն ԱԱԾ-ի դեմ հաղորդում էին ներկայացրել, քանի որ ՀՔԾ-ն մերժել էր ԱԱԾ նախկին տնօրեն Արթուր Վանեցյանի դեմ քրգործ հարուցել: Բողոքի հիմքում Գարեգին Միսկարյանի այն գրառումն էր, որտեղ նշվել էր, որ Արթուր Վանեցյանի ընտանիքը ծաղկի բիզնես ունի: Այս գրառումից հետո քաղաքացին ԱԱԾ-ից հենց ԱԱԾ ձևաթղթով ծանուցում էր ստացել, որով պահանջում էին, որ նա հերքի իր գրառման մեջ տեղ գտած տեղեկությունը:
Ըստ բողոքող կողմի, միտում են տեսնում, որ այդ քայլով ցանկացել են քաղաքացուն հասկացնել, որ տվյալ պաշտոնյայի վերաբերյալ գրառումներ այլևս չանի: Քաղաքացին կարող է ԱԱԾ պաշտոնական ձևաթղթով ծանուցումը որպես ճնշում դիտարկել:
Լիլիթ Շաբոյան
