23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
«Հուսով եմ՝ այսօր հիասքանչ շոու կլինի». Արմին վան Բյուրեն. ՏԵՍԱՆՅՈՒԹ
06.10.2019 | 16:17
Հայաստանում առաջին անգամ եմ, շատ բան չեմ կարող ասել, հուսով եմ՝ հիասքանչ շոու կլինի: Այս մասին «Զվարթնոց» օդանավակայանում լրագրողների հետ զրույցում ասաց աշխարհահռչակ դիջեյ Արմին վան Բյուրենը:
«Շատ ջերմ ընդունելություն էր: Հայաստանում ընդամենը մեկ օր եմ անցկացնելու՝ բավականին զբաղված գրաֆիկով: Այս պահին իմ նոր ալբոմի վրա եմ աշխատում, նաև Amsterdam Dance Show-ի»,- ասաց հոլանդացի դիջեյը:
Հիշեցնենք, որ Արմին վան Բյուրենը Հայաստան է ժամանել՝ WCIT 2019- ի բացումն ազդարարող համերգային ծրագրին մասնակցելու համար: Այն տեղի կունենա այսօր՝ 20:00-ին, Հանրապետության հրապարակում:
Նշենք, որ դիջեյը բազմաթիվ մրցանակների դափնեկիր է և զբաղեցնում է առաջին հորիզոնականը՝ «DJ Magazine» ամսագրի «Երկրպագուների վարկածով թոփ 100 դիջեյներ» ցուցակում։ 2013թ. Բյուրենն առաջադրվել է հեղինակավոր «Գրեմմի» մրցանակի՝ «Լավագույն պարային ձայնագրություն» անվանակարգում:
Մանրամասները՝ տեսանյութում:
Նելլի Մելքոնյան
