16.03.2026 | 23:18
ԵՄ-ն պատժամիջոցներ է սահմանել չինական և իրանական ընկերությունների նկատմամբ՝ կիբերհարձակումների համար
ԲՀԿ-ն չի մասնակցելու Հրայր Թովմասյանի լիազորությունների դադարեցման նախագծի քվեարկությանը. Գագիկ Ծառուկյան. ՏԵՍԱՆՅՈՒԹ
Քաղաքականություն
02.10.2019 | 11:13
ԱԺ ԲՀԿ խմբակցության ղեկավար Գագիկ Ծառուկյանը չի հերքում, որ օրերս հանդիպել է վարչապետ Նիկոլ Փաշինյանի հետ, բայց ասում է՝ չի քննարկել ՍԴ նախագահ Հրայր Թովմասյանի լիազորությունների դադարեցման նախագծի առիթով ԲՀԿ-ի դիրքորոշումը։
«Մենք քաղաքական հարցերով երբեք ու երբեք չենք հանդիպել, միայն ներդրումների հարցով»,- ԱԺ-ում լրագրողների հետ զրույցում ասաց Ծառուկյանը։
Փոխարենը ԲՀԿ առաջնորդը տեղեկացրեց, որ իր խմբակցությունը չի մասնակցելու Հրայր Թովմասյանի լիազորությունների դադարեցման նախագծի քվեարկությանը։
«Բոլորդ էլ գիտեք, որ նախորդ գումարման խորհրդարանում ԲՀԿ-ն դեմ է քվեարկել Հրայր Թովմասյանի թեկնածությանը ՍԴ անդամի պաշտոնում։ Այսօր նայելով հիմնական դրույթները նախագծի, տեսնում ենք ժամկետների խախտումներ, թերի դրույթներ, հիմնավորումները շատ թույլ են: Բացի դրանից՝ ուզում եմ ասել բոլորին, որ ԱԺ-ն չի որոշում՝ Հրայր Թովմասյանը մնա՞, թե՞ հեռանա։ Դա որոշելու է ՍԴ-ն, դրա համար որոշեցինք չմասնակցել քվեարկությանը»,- պատճառաբանեց Գագիկ Ծառուկյանը։
Մանրամասները՝ տեսանյութում:
