03.02.2026 | 23:21
Ֆրանսիան պատրաստ է լիակատար աջակցություն ցուցաբերել Հայաստանին COP17-ի կազմակերպման հարցում
«Վարչապետի վերադարձին կքննարկենք եկեղեցուն առնչվող հարցերը». Գարեգին Բ. ՏԵՍԱՆՅՈՒԹ
Տեսանյութեր
26.09.2019 | 11:36
Վարչապետի հետ պարբերաբար հանդիպում ենք և քննարկում եկեղեցուն, հայրենիքին հուզող հարցեր: Այսօր Կոմիտասի ծննդյան օրվան նվիրված միջոցառման ավարտին լրագրողների հետ զրույցում նշեց Ամենայն Հայոց Գարեգին Բ կաթողիկոսը՝ անդրադառնալով վարչապետ Նիկոլ Փաշինյանի՝ օրերս Լոս Անջելեսում արած հայտարարությանը, թե ծնկի կբերվեն այն եկեղեցականները, ովքեր կփորձեն քանդել իշխանության ոտքի տակ:
«Այդ առնչությամբ մեր եկեղեցին արդեն հնչեցրել է իր տեսակետը: Ամենայն հավանականությամբ, վարչապետի վերադարձին այդ հարցերի շուրջ լուսաբանումներ կունենանք: Մեր երկրի առջև ծառացած բազմաթիվ հարցեր կան, որոնք մեր ժողովրդին հուզում են, և այդ հուզումները, բնականաբար, իրենց արտահայտումն են գտնում ինչպես մեր հայրենական, այնպես էլ սփյուռքի կյանքում: Լիահույս ենք, որ բոլոր խնդիրները բարվոք լուծում կստանանք»,- ընդգծեց Գարեգին Բ-ն:
Անդրադառնալով դպրոցական ծրագրից Հայ եկեղեցու պատմություն առարկան հանելու հնարավորությանը՝ Կաթողիկոսը նշեց. «Մեր առջև նման հարց չի բարձրացված: Մենք կարծում ենք, որ Հայ եկեղեցու պատմությունը կշարունակի ուսուցանվել դպրոցներում: Մեր հանդիպումների ընթացում խոսել ենք այն մասին, որ դասագիրքը բովանդակային առումով պետք է բարեփոխվի»:
Մանրամասները՝ տեսանյութում:
Նելլի Մելքոնյան
