02.11.2024 | 12:34
Հայաստանը Չեխիայում ռազմական կցորդ ունի
Արթուր Վանեցյանը հաստատեց, որ տեքստը մենակով չի գրել. Վլադիմիր Կարապետյան. ՏԵՍԱՆՅՈՒԹ
Քաղաքականություն
19.09.2019 | 14:30
Արթուր Վանեցյանը հաստատեց, որ տեքստը մենակ չի գրել: Այս մասին Կառավարությունում լրագրողների հետ զրույցում ասաց վարչապետի խոսնակ Վլադիմիր Կարապետյանը՝ անդրադառնալով իր այն հայտարարությանը, թե պետք է պարզել՝ ո՞վ է գրել ԱԱԾ նախկին տնօրենի հրաժարականի տեքստը:
Լրագրողները հետաքրքրվեցին՝ ի՞նչ նկատի ուներ, երբ հայտարարում էր՝ «հույս ունենք դրա հեղինակը քրեական պատասխանատվությունից «թյուրիմացաբար» խուսափած կոռուպցիոներների PR գրասենյակները չեն»:
«Ինքը հաջորդ օրը տվեց պարզաբանումներ: Վարչապետն ակնարկում էր, որ կա փոխադարձ համաձայնություն, և դրանից հետո առերեսվել նման հայտարարությանը, որն արեց Վանեցյանը, կարծում եմ՝ անսպասելի էր թե՛ իր համար, թե՛ իր թիմի ներկայացուցիչների համար, դրա համար առաջացան նման հարցադրումներ»,- ասաց խոսնակը:
Վլադիմիր Կարապետյանն անդրադարձավ նաև նախարարների պաշտոնանկությունների մասին տեղեկություններին՝ նշելով, որ դրանք իրականությանը չեն համապատասխանում:
Մանրամասները՝ տեսանյութում:
Նարեկ Կիրակոսյան
