07.04.2026 | 10:20
Թրամփը հայտարարել է, որ Իրանը կարող է «վերացվել» մեկ գիշերվա ընթացքում ու կրկին սպառնացել ոչնչացնել իրանական էլեկտրակայանները
Եթե որդուս արյունը ծախեի` հիմա Քոչարյանի աջակիցների կողքին կլինեի. Սարգիս Քլոյան. ՏԵՍԱՆՅՈՒԹ
Հասարակություն
17.09.2019 | 11:57
Մարտի 1-ի զոհերից Գոռ Քլոյանի հայրը՝ Սարգիս Քլոյանը, այսօր անդրադարձավ Մարտի 1-ի զոհերի հարազատներին Կառավարության կողմից 30 մլն դրամ աջակցություն տրամադրելու որոշման վերաբերյալ հնչած քննադատություններին։
«Մեզ ասում են, թե մենք՝ Մարտի 1-ի զոհերի հարազատներս, մեր երեխաների արյունը վաճառում ենք․ ընկերնե՛ր, եթե վաճառող լինեինք, կգնայինք կկանգնեինք Քոչարյանի աջակիցների կողքը։ Մեզ միլիոններ են խոստացել՝ չբողոքելու համար, բայց մենք հրաժարվել ենք»,- ասաց Քլոյանը՝ նշելով, որ նման առաջարկ ստացել են «Հանրապետական» կուսակցությունից։
Անդրադառնալով դատարանի այսօրվա որոշման հնարավոր ելքին՝ Սարգիս Քլոյանը նշեց, որ եթե Ռոբերտ Քոչարյանն այսօր ազատ արձակվի, կանի ամեն ինչ վկաների վրա ազդեցություն գործելու համար։
«Ուզում ենք, որ նա մնա կալանքի տակ, որ վկաները չվախենալով գան և ազատ վկայություն տան»,- ասաց Քլոյանը։
Մանրամասները՝ տեսանյութում։
