14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Հայտնի է Վանի Սուրբ Խաչ եկեղեցու պատարագի մասնակիցների թիվը
Մշակույթ
11.09.2019 | 20:51
Վանա լճի Աղթամար կղզու Սբ Խաչ հայկական եկեղեցում մատուցված պատարագի վերաբերյալ հայտարարություններով է հանդես եկել մշակույթի ու զբոսաշրջության Վանի նահանգային վարչության պետ Մուզաֆֆեր Աքթուղը. գրում է .ermenihaber.am-ը։
Աքթուղը նշել է, որ 7-րդ անգամ Սուրբ Խաչ եկեղեցում տեղի ունեցած պատարագին պատմական հայկական Աղթամար կղզի է այցելել 2480 զբոսաշրջիկ: Պատարագից հետո Պոլսի Հայոց պատրիարքի տեղապահ Սահակ եպիսկոպոս Մաշալյանն անձամբ իր գոհունակությունն է հայտնել իրենց:
Աքթուղը նաև արձանագրել է, որ կղզու նկատմամբ հետաքրքրությունը տարեցտարի աճում է: Նա տվյալներ է ներկայացրել նախորդ և այս տարվա այցելուների թվի վերաբերյալ:
Ըստ այդմ` նախորդ տարի Աղթամար կղզի է այցելել շուրջ 157 հազար տեղացի և արտասահմանցի զբոսաշրջիկ, իսկ այս տարվա 9 ամսվա ընթացքում կղզի այցելողների թիվը հասել է 170 հազարի:
