02.07.2026 | 06:06
ԱԱ-2026. ԱՄՆ-ի հավաքականը շարժվում է առաջ. ՏԵՍԱՆՅՈՒԹ
Ռուսաստանը չի մերժել Միհրան Պողոսյանի արտահանձնման հարցը. ՌԴ-ում ՀՀ դեսպան. ՏԵՍԱՆՅՈՒԹ
Քաղաքականություն
03.09.2019 | 14:56
ՌԴ-ում Հայաստանի դեսպան Վարդան Տողանյանի խոսքով՝ ՌԴ-ն չի մերժել ԴԱՀԿ նախկին պետ Միհրան Պողոսյանին ՀՀ-ին արտահանձնելու դիմումը:
Այսօր խորհրդարանում լրագրողների հետ զրույցում պատասխանելով Factor.am-ի հարցին՝ նա նշեց, որ ՌԴ դատախազությունը ՀՀ-ից արտահանձնելու անհրաժեշտությունը հիմնավորող լրացուցիչ փաստաթղթեր է պահանջել: Դեսպանի համոզմամբ՝ տեղի է ունենում զուտ իրավական գործընթաց։
Հիշեցնենք, որ Միհրան Պողոսյանը մեղադրվում է Քրեական օրենսգրքի 179-րդ հոդվածի 3-րդ մասի 1-ին կետով և 308-րդ հոդվածի 2-րդ մասով: Ըստ մեղադրանքի՝ նա, օգտագործելով պաշտոնեական դիրքը, վատնման եղանակով առանձնապես խոշոր չափերով գույք է հափշտակել և չարաշահել իր պաշտոնեական լիազորությունները, ինչն առաջացրել է ծանր հետևանքներ: Պողոսյանը հայտնաբերվել և ձերբակալվել էր ապրիլի 19-ին Պետրոզավոդսկ քաղաքում: Դեսպանն արտառոց ոչինչ չի տեսնում նաև Մարտի 1-ի գործով կալանքի տակ գտնվող Ռոբերտ Քոչարյանի ծննդյան տարեդարձի առթիվ պաշտոնական Կրեմլից ստացված շնորհավորանքում։
Մանրամասները`տեսանյութում։
Շողիկ Գալստյան
