22.01.2026 | 23:29
ՀՀ տարածքում կան փակ ավտոճանապարհներ, Լարսը բաց է
Թուրք հնավաճառ. «Հայ վարպետների աշխատանքներն առանձնանում են իրենց նրբությամբ ու որակով»
Մշակույթ
25.09.2017 | 10:42
Թուրքիայի Ուրֆա քաղաքում ապրող թուրք հնավաճառ Սաբրի Սինիջին, պատմում է, որ արդեն 25 տարի է գյուղացիներից գնում է հայերից և հույներից մնացած իրեր ու վաճառում անտիկ աշխատանքների սիրահարներին. փոխանցում է ermenihaber-ը:
Սինիջին, ով խանութում ունի 150-200 տարվա հնության ձեռագործ ստեղծագործություններ, նշել է, որ աշխատանքի որակից կարելի է գուշակել, թե այն որ ազգին է պատկանում: Վաճառականը պատմել է, որ այդ աշխատանքները մանրավաճառները շրջակա գյուղերի գյուղացիներից են գնում կամ փոխանակում անում:
«Գյուղացիներից տարբեր անտիկ առարկաներ են գալիս: Դրանց մեջ աշխատանքի նրբությամբ ու որակով հատկապես առանձնանաում են հայ և հույն վարպետների աշխատանքները: Տասնյակ տարիներ էլ անցնեն, դրանք որևէ փոփոխություն չեն կրում»,- ասում է Սինիջին:
