06.10.2026 | 15:10
Ընդդիմադիրները Պապիկյանի հրաժարականն են պահանջում // Գեղարքունիքում ուսուցիչը ծեծել է աշակերտուհուն․ ԼՈՒՐԵՐ
Գագիկ Խաչատրյանը բուժումը թողել եւ վերադարձել է. Երեմ Սարգսյան. ՏԵՍԱՆՅՈՒԹ
Հասարակություն
27.08.2019 | 21:58
Ընդամենը օրինական զենքեր են առգրավվել Գագիկ Խաչատրյանի բնակարանների խուզարկության ընթացքում։ Չնայած որ կազմվել է բերման ենթարկելու մասին արձանագրություն, սակայն այդտեղ բերման ենթարկել չկա, քանի որ Գագիկ Խաչատրյանը առավոտից մասնակցում էր գործողություններին։
Այս մասին այսօր երեկոյան հրավիրված հրատապ ասուլիսի ժամանակ ասաց ՊԵԿ նախկին նախագահ, ֆինանսների նախկին նախարար Գագիկ Խաչատրյանի պաշտպան Երեմ Սարգսյանը:
Վերջինս նշեց, որ ձերբակալման նպատակը դա հանցագործության կանխարգելումն է կամ դրանից հետո փախուստի կանխումը։
«ՊԵԿ նախագահի պաշտոնավարման ժամանակահատվածում նրան վերագրվում են ինչ-որ գործողություններ, 2010, 2015 թթ․հետ կապված։ Այս դեպքում ոչ այդ ժամանակ կատարված ենթադրյալ հանցանքի կանխումը, ոչ էլ առավել եւս փախուստը չի կարող լինել ձերբակալման նպատակը։ Եթե Գագիկ Խաչատրյանը ունենար փախնելու նպատակ, նա չէր վերադառնա Հայաստան՝ Գերմանիայում իր բուժումը կիսատ թողնելով։ Այսօրվա ձերբակալությունը վերաբերում է ՊԵԿ-ի նախագահի պաշտոնավարման շրջանում ունեցած գործունեությանը»,-ասաց պաշտպանը՝ ընդգծելով, որ այն իրավաչափ չէ։
Անդրադառնանլով տասնյակ միլիոնների չարաշահման մասին այսօր ԱԱԾ տնօրենի հայտարարությանը՝ պաշտպանը նշեց, որ խոսքը գնում է ՊԵԿ ինչ-որ աշխատակիցների մասին, որոնք չեն հաճախել աշխատանքի, սակայն վճարվել են։
Փաստաբանը նշեց, որ ներկայումս իրականացվող գործընթացը կապ չունի ինքնասպան եղած գործարար Համլետ Ամիրխանյանի հնչեցրած մեղադրանքների հետ՝ ընդդեմ Խաչատրյանի։
Նա նաեւ ասաց, որ իրեն փաստեր հայտնի չեն, որ այս գործընթացը կապ ունի Դիլիջանում ՊԵԿ նախկին ուսումնական կենտրոնի կառուցման հետ։
Մանրամասները՝ տեսանյութում
