10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Կեղտոտ սպիտակեղենի «Մեծ լվացքը»․ վերջին մեկ տարվա իրադարձությունները՝ ծաղրանկարներում
21.09.2017 | 20:36
Հյուսիսային մարզերով շրջագայելուց հետո Medialab.am-ի ծաղրանկարների ցուցահանդեսն այսօր՝ Հայաստանի Անկախության օրը, հասավ Երևան՝ Մաշտոցի պուրակ։
«Մեծ լվացք» անվանումը կրող ցուցահանդեսում ներկայացվեցին վերջին մեկ տարվա ընթացքում տեղի ունեցած իրադարձությունները` այդ ընթացքում ստեղծված ծաղրանկարների միջոցով։«Մեդիալաբի» գլխավոր խմբագիր Մարիաննա Գրիգորյանը կարևորում է այն փաստը, որ շապիկները կրելով՝ մարդիկ իրենք դառնում են կենդանի ցուցադրության մասնակից։ Այսպիսով՝ ցուցահանդեսը դուրս է գալիս ստանդարտ ձևաչափի սահմաններից։
Ցուցահանդեսի ընթացքում մասնակիցները հնարավորություն ունեցան ձեռք բերելու նաև աղմկահարույց «Ցեց» երգիծաթերթը, որտեղ տեղ գտած ծաղրանկարները ներկաների համար և՛ զվարճալի էին, և՛ մտորելու առիթ տվող։
«Մեծ լվացք»-ի կազմակերպիչները վստահ են՝ խնդիրներից ազատվելու լավագույն միջոցը դրանք ընդունելը, դրանց հումորով վերաբերվելն ու համապատասխան լուծումներ փնտրելն է։
Աննա Բաբաջանյան
