19.10.2026 | 12:50
«Բարսելոնան» կրկնել է «Ռեալի» ռեկորդը. ՏԵՍԱՆՅՈՒԹ
Արցախցիների աչքերի մեջ ուղիղ նայելով՝ ունենալու եմ շատ կարևոր խոսակցություն. Փաշինյանը՝ օգոստոսի 5-ին Ստեփանակերտում կայանալիք ելույթի մասին
Քաղաքականություն
02.08.2019 | 12:25
ՀՀ վարչապետ Նիկոլ Փաշինյանը օգոստոսի 5-ին ներկա է լինելու Ստեփանակերտում համահայկական խաղերի բացմանը: Այս մասին նա տեղեկացրեց Սևանա լճի ափից՝ ֆեյսբուքյան ուղիղ եթերով:
«Ինչպես տեղյակ եք, օգոստոսի 5-ին Ստեփանակերտում տեղի է ունենալու շատ կարևոր մի իրադարձություն՝ համահայկական խաղերի բացումը։ Այդ առիթով Ստեփանակերտում հավաքվելու են հայության բոլոր հատվածների ներկայացուցիչները։ Եվ ես կարծում եմ, որ սա շատ լավ առիթ է մի փոքր ընդլայնելու օրվա օրակարգը և խոսելու մեր համազգային մարտահրավերների մասին, մեր համազգային միասնության այս բացառիկ ժամի, և նրա ստեղծած հնարավորությունների մասին, այդ հնարավորությունները ճշգրիտ և արդյունավետ օգտագործելու մասին։ Այս կապակցությամբ մտադիր եմ օգոստոսի 5-ին ժամը 19։00-ին ելույթ ունենալ Ստեփանակերտի Վերածննդի հրապարակում, և սիրով հրավիրում եմ բոլորիդ ներկա գտնվելու այդ օրը։ Առանձնահատուկ սիրով եմ հրավիրում Արցախի մեր բոլոր հայրենակիցներին, որովհետև նման ֆորմատով նրանց առաջ ելույթ ունենալու առիթ չեմ ունեցել, և հույս ունեմ՝ այդ օրը նրանց աչքերի մեջ ուղիղ նայելով ունենալ շատ կարևոր խոսակցություն մեր համազգային օրակարգի, մեր այսօրվա իրավիճակի և վաղվա անելիքների մասին»,- ասաց նա:
Մանրամասները՝ տեսանյութում:
