03.02.2026 | 12:20
NYMEX. Թանկարժեք մետաղների գներն աճել են
«Մշակութային կանգառ». Հայաստանի պետական ազգային ակադեմիական երգչախմբի համերգով հանդես կգա ՀՀ Լոռու մարզում
Մշակույթ
15.09.2017 | 14:37
ՀՀ մշակույթի նախարարության «Մշակութային կանգառ» ծրագրի շրջանակում` ս. թ. սեպտեմբերի 21-ին, ժամը 18:00-ին, ՀՀ Լոռու մարզկենտրոն Վանաձոր քաղաքի Շառլ Ազնավուրի անվան մշակույթի պալատում ելույթ կունենա Հայաստանի պետական ազգային ակադեմիական երգչախումբը` գեղարվեստական ղեկավար և գլխավոր դիրիժոր, ԽՍՀՄ ժողովրդական արտիստ Հովհաննես Չեքիջյանի ղեկավարությամբ:
Համերգը, որով կեզրափակվեն երգչախմբի 2017 թ. «Մշակութային կանգառ» ծրագրով նախատեսված ելույթները, նվիրվում է Հայաստանի անկախության 26-ամյակին:
Հիշեցնենք, ՀՀ մշակույթի նախարարության «Մշակութային կանգառ» ծրագիրը մեկնարկել է ս. թ. հունվարի 26-ին: Ծրագրի շրջանակում, ՀՀ և ԼՂՀ 98 համայնքում, ընդհանուր առմամբ, կիրականացվի 426 միջոցառում` թատերահամերգային ծրագրեր, ցուցահանդեսներ, կինոցուցադրություններ:
Ծրագրի գլխավոր հովանավորն է «Մարդկային ռեսուրսների «Փյունիկ» հիմնադրամը»:
