13.09.2026 | 12:24
Վթարային ջրանջատում Լոռու մարզում
Հայաստանի էներգետիկ համակարգում «բլեքաութ» հնարավոր չէր, այդ բառի օգտագործումն անիմաստ էր․ փորձագետ
Տնտեսություն
17.07.2019 | 13:24
Հայաստանի էլեկտրաէներգետիկ համակարգը տարածաշրջանի ունիկալ համակարգերից մեկն է՝ բարձրավոլտ ցանցի բավական խիտ ծավալով և ավտոմատ կառավարման համակարգով։ Այս ամենին զուգահեռ, սակայն, ունի նաև բացասական կողմեր՝ մենք արդեն երկրորդ անգամ ենք ունենում նույնատիպ վթար, ինչը պետք է ահազանգ լինի այս խնդիրներով լրջորեն զբաղվելու համար։
Այս մասին այսօր «Զանգվածային հոսանքազրկում. պաշտպանվա՞ծ է ՀՀ էներգետիկ անվտանգությունը» թեմայով քննարկման ժամանակ ասաց էներգետիկ հարցերով ՄԱԿ-ի ազգային փորձագետ Արա Մարջանյանը։
Նրա խոսքով՝ էներգետիկ համակարգի այդ վթարներն ահազանգ են, որպեսզի պատկան մարմինները լրջորեն զբաղվեն այս ոլորտով։
«Պետք է նշեմ նաև, որ նման վթարները երբևէ չի կարելի կապել քաղաքականության հետ։ Անիմաստ էր նաև «բլեքաութ» (Blackout- վթար էներգահամակարգում, էլեկտրականության զանգվածային անջատում- խմբ.) անվանումը, Հայաստանում ցանցն այնպիսին է, որ մեր երկրում «բլեքաութ» հնարավոր չէ»,- ասաց փորձագետը՝ նշելով, որ մենք մեկ անգամ խուսափեցինք շատ մեծ վթարից, որից չկարողացան խուսափել մեր հարևաններ Ադրբեջանը, Թուրքիան, Իրանը։
Հիշեցնենք, որ Հայաստանի էլեկտրաէներգետիկ համակարգում անցած շաբաթ տեղի ունեցած վթարն ու դրա հետևանքով տեղի ունեցած հոսանքազրկումները շատերն անվանեցին «բլեքաութ»:
Մանրամասները՝ տեսանյութում։
