Հասարակություն
11.07.2019 | 19:42
Դատավորների ընդհանուր ժողովի ընթացքում Վճռաբեկ դատարանի դատավոր Նախշուն Տավարացյանը քիչ առաջ երդում տվեց որպես Բարձրագույն դատական խորհրդի անդամ։
Նշենք, որ Բարձրագույն դատական խորհրդի դատավոր անդամների թեկնածուների քվեարկությունն ավարտվել է։
Արդյունքները դեռ հայտնի չեն:
Հիշեցնենք, որ մամուլը գրել էր, որ 9 ամիս առաջ գրավոր դիմումով Բարձրագույն դատական խորհրդի անդամ դառնալուց հրաժարված Վճռաբեկ դատարանի դատավոր Նախշուն Տավարացյանը դատավորների ընդհանուր ժողովի ընթացքում պատրաստվում է երդում տալ։ Այս կապակցությամբ Արդարադատության նախկին նախարար Արփինե Հովհաննիսյանը կարծիք էր հայտնել, որ եթե Նախշուն Տավարացյանը ՝ իր հրաժարականի գրավոր դիմումից 9 ամիս հետո, երդվեց, սա նշանակում է, որ Վճռաբեկ դատարանի նախագահը և առհասարակ դատական համակարգն ու բոլոր նրանք, ովքեր կհանդուրժեն այդ աղաղակող ապօրինությունը, առաջինը պետք է վեթինգի ենթարկվեն։ Մինչդեռ այսօր Տավարացյանը հակադարձեց Հովհաննիսյանին, ասելով, որ երդում տալը իր իրավունքն է և ինքը գնալու է այդ քայլին:
Լիլիթ Շաբոյան
