19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Լոռու մարզպետարանի պայմանագրային աշխատողները, մարզպետի որոշմամբ, շուտով կազատվեն աշխատանքից. ՏԵՍԱՆՅՈՒԹ
Քաղաքականություն
28.06.2019 | 19:19
Երկու ամսից Լոռու մարզպետարանի պայմանագրային աշխատողները կլքեն իրենց աշխատավայրը: Այս մասին այսօր ասաց Լոռու մարզպետ Անդրեյ Ղուկասյանը՝ պատճառաբանելով, որ նրանք արտահաստիքային աշխատողներ են, իսկ մարզի գլխավոր կառույցը չպետք է ունենա նման աշխատակիցներ:
«Մի մասին կառաջարկենք հաստիքային աշխատանք, որպեսզի չզրկվեն աշխատանքից: Պայմանագրային աշխատողները նախկինից եկած եղել են, բայց իրենք պետք է չլինեն: Պայմանագրային աշխատողները պետք է լինեն միայն փորձագետներ: Բայց իրենք, ցավոք, փորձագետներ չեն, իրենք չեն կարող լինել արտահաստիքային աշխատողներ»,- ասաց Ղուկասյանը:
Այս պահին պայմանագրային աշխատողներ կան մարզպետարանի գյուղատնտեսության և բնապահպանության վարչությունում, զարգացման ծրագրերի, զբոսաշրջության և վերլուծության, տեղեկատվության և հաuարակայնության հետ կապերի բաժիններում, քաղաքաշինության վարչությունում, ինչպես նաև մաքրուհիներ:
Անդրեյ Ղուկասյանն ասաց՝ աշխատակիցներն ազատման մասին արդեն ծանուցվել են:
Մանրամասները՝ տեսանյութում:
Տաթևիկ Ղազարյան
