07.03.2026 | 22:11
Նոր նշանակումներ՝ մարմնամարզության Հայաստանի հավաքականներում
«Ոսկե ծիրանին» վարպետության դաս կտա «Տիտանիկի» դերասանների հետ աշխատած մասնագետը. Ռոբերտ Անդերսոն. ՏԵՍԱՆՅՈՒԹ
Մշակույթ
28.06.2019 | 16:35
«ԱՄՆ դեսպանատունը հպարտությամբ աջակցում է փառատոնի շրջանակում տաղանդներին խթանող նախաձեռնությանը»,- այս մասին «Ոսկե ծիրան» 16-րդ միջազգային կինոփառատոնի՝ դեսպանությունների և միջազգային կազմակերպությունների հետ համագործակցության մասին ասուլիսի ընթացքում նշեց Հայաստանում ԱՄՆ դեսպանատան հասարակայնության հետ կապերի բաժնի ղեկավար Ռոբերտ Անդերսոնը։
«ԱՄՆ դեսպանատան հետ համագործակցությամբ «Talent Lab» ծրագրի շրջանակում վարպետության 4-օրյա դասընթաց կանցկացնի դերասանի վարպետության մասնագետ, ռեժիսոր, մանկավարժ Քեթլին Լեսլին»,- նշեց Ռոբերտ Անդերսոնը։
Նրա խոսքով՝ մասնագետն աշխատել է հոլիվուդյան այնպիսի հայտնի ֆիլմերի դերասանական կազմերի հետ, ինչպիսին «Տիտանիկը» և «Գեղեցկուհին ու հրեշն» են։ Բացի այդ, այս տարի Հայաստան են հրավիրել նաև «Թրայբեք» կինոինստիտուտի տնօրեն, պրոդյուսեր Էմի Հոբին։ Վերջինս ընդգրկված է նաև «Ոսկե ծիրան» 16-րդ միջազգային կինոփառատոնի լիամետրաժ մրցույթի ժյուրիի կազմում։
«Կներկայացվեն նաև ֆիլմեր, որոնք վերաբերում են գենդերային կողմնակալությանը։ Կարծում եմ՝ սա շատ կարևոր թեմա է, և այդ մասին ֆիլմը, որը կցուցադրվի, մեծ ազդեցություն կունենա»,- ընդգծեց Ռոբերտ Անդերսոնը։
Մանրամասները՝ տեսանյութում․
Նելլի Մելքոնյան
