14.12.2025 | 19:26
Մրգի խանութի սեփականատերը զինաթափել է Սիդնեյի լողափին մարդկանց վրա կրակողներից մեկին
Ի՞նչ է լինելու Մոնումենտի առանձնատների և Սուրիկ Խաչատրյանի տան ճակատագիրը․ պատգամավորը՝ Սահրատ Պետրոսյանին․ ՏԵՍԱՆՅՈՒԹ
Քաղաքականություն
28.06.2019 | 14:23
«Երևանի Ազատության պողոտայի և Բաբայան փողոցի վրա գտնվող տների սեփականատերեր են հանդիսանում նախկին վարչապետներ՝ Հովիկ Աբրահամյանն ու Կարեն Կարապետյանը, պաշտպանության նախկին նախարար Սեյրան Օհանյանն ու Երևանի նախկին քաղաքապետ Գագիկ Բեգլարյանն իր որդու հետ միասին, Քննչական կոմիտեի նախկին ղեկավար Աղվան Հովսեփյանն ու այլք: Փաստորեն 2000-ական թվականներին հանրային սեփականություն համարվող տարածքը խլվել է երևանցիներից ապօրինաբար և հիմա միլիոնատերերն իրենց տներն են կառուցել և վայելում են»,- այս մասին այսօր Ազգային ժողովում Կադաստրի կոմիտեի ղեկավար Սարհատ Պետրոսյանին դիմելով ասաց ԱԺ «Լուսավոր Հայաստան» խմբակցության պատգամավոր Արման Բաբաջանյանը՝ հետաքրքրվելով, թե պաշտոնյան ինչպես է պատկերացնում այս հարցի հանգուցալուծումը։
Ի պատասխան Սահրատ Պետրոսյանը նշեց, որ պաշտպանելու է այդ մարդկանց սեփականության իրավունքը, եթե, իհարկե, դրանք օրենքի շրջանակում են։
«Որպես պետական պաշտոնյա՝ չեմ կարող մտնել այդ դաշտ և գնահատականներ տալ ինչ-որ մարդկանցից գույք ետ վերցնելու կամ չվերցնելու մասին։ Մենք խնամքով պահպանում ենք այն բոլոր փաստաթղթերը, որոնք, գուցե, հիմք հանդիսանան սխալները շտկելու համար»,- ասաց Պետրոսյանը։
Արման Բաբաջանյանը որպես հարցի շարունակություն հավելեց. «Իսկ Կադաստրի պետական կոմիտեն ի՞նչ է անելու Սուրիկ Խաչատրյանի՝ Երևանում կառուցած տան հետ, որը չի ունեցել կառուցման թույլտվություն»։
Հարցին ի պատասխան Սահրատ Պետրոսյանը նշեց, որ երկու օր առաջ պատգամավորի նշած անշարժ գույքը գրանցվել է՝ Երևանի քաղաքապետարանի բյուջե՝ համապատասխան վճարումներն անելով։ «Մենք մեր լիազորությունների շրջանակում պատրաստ ենք աջակցել այն իրավական որոշմանը, որը կապված է լինելու այդ գույքի հետ»,- ասաց նա։
