08.06.2026 | 13:32
Սոցիալական կրեդիտների մի մասն ուղղելու ենք լրատվամիջոցներին ու ՀԿ-ներին. ֆինանսների նախարար․ ՏԵՍԱՆՅՈՒԹ
Պետք է շարունակենք աշխատել էսկալացիայի ռիսկերի նվազեցման ուղղությամբ․ Զոհրաբ Մնացականյան․ ՏԵՍԱՆՅՈՒԹ
Քաղաքականություն
27.06.2019 | 15:06
Հայաստանի արտաքին գործերի նախարար Զոհրաբ Մնացականյանն այսօր հրավիրված մամուլի ասուլիսի ժամանակ, անդրադառնալով Ադրբեջանի արտաքին գործերի նախարար Էլմար Մամեդյարովի՝ թուրքական գործակալությանը տված հարցազրույցին, ասաց, որ ադրբեջանցի պաշտոնյան հարցազրույցում անդրադառնում է որոշ հարցերի, որոնք վերաբերում էին Վաշինգտոնում երկու երկրների ԱԳ նախարարների հանդիպմանը։
«Ես իմ կողմից կասեմ, որ մենք քննարկել ենք հարցերի բավականին լայն շրջանակ, որոնք կառուցվում են այն ամբողջ երկխոսության վրա, որը տեղի է ունեցել մինչև վաշինգտոնյան հանդիպումը։ Առանձնահատուկ էր այն, որ հանդիպումը տեղի էր ունենում պայմաններում, երբ ունեինք լարվածության աճ մինչև հանդիպումը։ Բնականաբար, դա չէր կարող իր ազդեցությունը չունենալ, և, բնականաբար, մենք բավականին տեղ հատկացրինք մեր քննարկումներում այդ իրողությանը»,- ասաց նախարարը՝ նշելով, որ Հայաստանի համար գերակա խնդիրներից մեկը շարունակում է մնալ խաղաղությանը նպաստող միջավայրի ապահովումը։
«Մենք պետք է շարունակենք աշխատել էսկալացիայի ռիսկերի նվազեցման ուղղությամբ»,- ասաց նախարարը։
Մանրամասները՝ տեսանյութում։
