07.03.2026 | 22:11
Նոր նշանակումներ՝ մարմնամարզության Հայաստանի հավաքականներում
Լիլիթ Արզումանյանն ընտրվեց «Երևանի թատրոնի և կինոյի ինստիտուտի» ռեկտոր, իսկ Փաշինյանը հիշեցրեց՝ շենքի շրջակայքն իր ձեռքերով է մաքրել․ ՏԵՍԱՆՅՈՒԹ
Քաղաքականություն
27.06.2019 | 13:14
Կառավարության հունիսի 27-ի նիստում գործադիրի անդամները հավանություն տվեցին «Երևանի թատրոնի և կինոյի պետական ինստիտուտ» պետական ոչ առևտրային կազմակերպության ռեկտորի ընտրության արդյունքները հաստատելու մասին» որոշման նախագծին։
Ըստ այդ նախագծի՝ առաջարկվում էր հիմք ընդունել ինստիտուտի խորհրդի որոշումը և Լիլիթ Սևակի Արզումանյանին ընտրել ինստիտուտի ռեկտոր:
Կառավարությունը որոշման նախագիծը հաստատեց։
Կառավարության նիստին մասնակցող Լիլիթ Արզումանյանը շնորհակալություն հայտնեց Նիկոլ Փաշինյանին և Կառավարության անդամներին՝ այս որոշման նախագծին հավանություն տալու համար և հիշեցրեց, որ Կառավարությունից ավելի վաղ խնդրել էր 10 միլիոն դրամ՝ ինստիտուտի՝ վատ վիճակում գտնվող շենքը վերանորոգելու համար: Նորընտիր ռեկտորը նշեց, որ գումարն արդեն ստացել են և վերանորոգման մեծ մասն արդեն կատարվել է։
Նիկոլ Փաշինյանն էլ շնորհավորելով Լիլիթ Արզումանյանին ու հիշեցրեց․«Տիկի՛ն Արզումանյան, ես ուզում եմ ասել, որ Ձեր ինստիտուտի շրջակայքը մեկ, թե երկու ամիս առաջ սեփական ձեռքերով եմ մաքրել և հույս ունեմ, որ այդ մաքրությունը կպահպանվի»։
Մանրամասները՝ տեսանյութում։
