07.03.2026 | 11:55
«Էս ո՞ւր եք տանում, տվեք օգնեմ». Փաշինյանն Աշտարակում օգնեց կնոջն առևտուրը տուն հասցնել․ ՏԵՍԱՆՅՈՒԹ
Քննիչ հանձնաժողով հրավիրվող պաշտոնյաների անունները որոշված են․ Անդրանիկ Քոչարյան. ՏԵՍԱՆՅՈՒԹ
Քաղաքականություն
25.06.2019 | 15:39
ԱԺ քննիչ հանձնաժողովն այսօր հերթական փակ նիստն անցկացրեց։ Նիստից հետո հանձնաժողովի նախագահ Անդրանիկ Քոչարյանը նշեց՝ փակ հանդիպումից որևէ մանրամասն չի ներկայացնի, փոխարենն ասաց՝ քննարկումներն ընթանում են բավական բուռն, աշխատում են ըստ հաստատված աշխատակարգի։
«Դուք անպայման ինչ-որ պարբերականությամբ ինչ-որ ինֆորմացիա կստանաք։ Քննիչ հանձնաժողովը ստեղծված է հասարակությանը հուզող հարցերի պատասխանները գտնելու համար, եթե դրանք չկան, կարձանագրենք, որ չկան»,- ասաց Քոչարյանը:
Մեր հարցին՝ պաշտպանության նախկին նախարար Սեյրան Օհանյանի ուսումնասիրությունները փոխանցվե՞լ են հանձնաժողովին, Անդրանիկ Քոչարյանը հրաժարվեց պատասխանել՝ միայն նշելով, որ գտնվում են աշխատանքային փուլում։
Ինչ վերաբերում է հանձնաժողով հրավիրվող նախկին և ներկա պաշտոնյաներին, Քոչարյանն ասաց. «Որոշված են՝ ովքեր են լինելու առաջին պաշտոնյաները, որոնք կհրավիրվեն հանձնաժողով»։
Մանրամասները՝ տեսանյութում։
Շողիկ Գալստյան
