19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Վահե Գրիգորյանը միավորող ֆունկցիա կատարեց վերջին շաբաթներին. Էդգար Վարդանյան. ՏԵՍԱՆՅՈՒԹ
Քաղաքականություն
24.06.2019 | 18:15
Դատական համակարգը Հայաստանում վաղուց ճգնաժամի մեջ է, և Սահմանադրական դատարանի հետ կապված վերջին իրադարձությունները, ըստ էության, խորացնում են այդ ճգնաժամը: «ՍԴ դատավո՞ր, թե՞ նախագահ. աղմկահարույց հայտարարության դիլեման» թեմայով քննարկման ժամանակ նման կարծիք հայտնեց քաղաքագետ Էդգար Վարդանյանը:
«Ձևավորվել է պահանջարկ, որ այս ճգնաժամը պետք է շուտափույթ լուծվի: Գոյություն ունի իրավիճակի երկու վերլուծություն, որոնցից մեկը ներկայացրել է Վահե Գրիգորյանը, և որը հեղափոխություն արած ժողովրդի մեծամասնության կողմից ընդունվում է որպես ճշմարիտ վերլուծություն: Չնայած նույնիսկ հեղափոխություն իրականացրած շրջանակներում որոշակի քննադատություն կա»,- ասաց նա:
Քաղաքագետը կարծում է, որ Վահե Գրիգորյանը վերջին շաբաթներին «միավորող ֆունկցիա կատարեց»:
«Վերջերս նույնիսկ հեղափոխությանը մասնակցած հասարակության շրջանում որոշակի քննադատություն կար իշխանությունների, կոնկրետ գործողությունների նկատմամբ: Նշվում էր, որ ոչ արդյունավետ քաղաքականություն է իրականացվում այս կամ այն ոլորտում: Բայց Վահե Գրիգորյանի վերաբերյալ փաստացի կարելի է ասել, որ կա կոնսենսուս քաղաքացիական հասարակությունում և ամբողջ հեղափոխական հանրության շրջանում»,- պարզաբանեց Էդգար Վարդանյանը:
Մանրամասները՝ տեսանյութում:
