29.03.2026 | 19:15
Իրանը սպառնում է հարվածներ հասցնել տարածաշրջանում ԱՄՆ-ի և Իսրայելի համալսարաններին
Դուք չասացիք, ես կտեղեկացնեմ՝ «Գրին Էներջին» պատկանում է Սերժ Սարգսյանի եղբորը, «Յագուար» ՍՊԸ-ն՝ Հովիկ Աբրահամյանի եղբորը. Թագուհի Թովմասյան. ՏԵՍԱՆՅՈՒԹ
Քաղաքականություն
24.06.2019 | 14:31
Ազգային ժողովի «Իմ քայլը» խմբակցության պատգամավոր Թագուհի Թովմասյանն այսօր խորհրդանում Հաշվեքննիչ պալատի 2018 թվականի կատարողականի հաշվետվությունը ներկայացնող պալատի նախագահ Լևոն Յոլյանից հետաքրքրվեց․ «Հաշվեքննության մեջ գրված է, որ «Գրին Էներջի» ՍՊԸ-ն պոմպակայան է վերցրել վարձակալությամբ, այնուհետև դա գրավադրել ու վարկ ստացել։ Ես ցանկանում եմ իմանալ՝ այս պոմպակայանի ճակատագիրն ի՞նչ է եղել, որքա՞ն վարկ է վերցրել և ո՞ւմ է պատկանում «Գրին Էներջի» ՍՊԸ-ն։ Հաջորդ հարցս վերաբերում է «Յագուար» կենդանիների աշխարհ ՍՊԸ-ին, որին 20 հազար դրամ վարձով տարածք է տրամադրվել․ այս ընկերությունն ո՞ւմ է պատկանում և արդյոք այս գործերը Դատախազության ուսումնասիրության նյութ դարձել են»։
Լևոն Յոլյանը նշեց, որ պատգամավորի նշած հարցերի վերաբերյալ ավելին չի կարող բարձրաձայնել, քան այն, ինչ ասված է հաշվեքննության մեջ։
««Գրին Էներջիի» հետ կապված՝ մենք արձանագրել ենք փաստը, արձանագրել ենք վարձակալության տրման փաստը և նշել ենք, որ պետական գույքը դրել են գրավ և բանկից գումար են ստացել, եթե մենք ասենք ինչքան և ում է պատկանում, կխախտենք օրենքը։ Նույնը վերաբերում է նաև «Յագուար» ՍՊԸ-ին»,- ասաց Յոլյանը։
Թագուհի Թովմասյանն էլ հավելեց, որ կաշկանդված չէ այդ ընկերությունների սեփականատերերի անունները նշել․ «Քանի որ Դուք չասացիք, ես կտեղեկացնեմ՝ «Գրին Էներջին» պատկանում է Սերժ Սարգսյանի եղբորը, իսկ «Յագուար» ՍՊԸ-ն Հովիկ Աբրահամյանի եղբորը»։
Մանրամասները՝ տեսանյութում։
