Այսուհետ մենք էլ կասենք՝ «փայլուն ընդդիմություն» և «սիրուն աղջիկ Սամսոնյան». Սուրեն Գրիգորյանը՝ Անի Սամսոնյանին․ ՏԵՍԱՆՅՈՒԹ

Ազգային ժողովի «Իմ քայլը» խմբակցության պատգամավոր Սուրեն Գրիգորյանի համար անհասկանալի է, թե ինչու ընդդիմադիր պատգամավորները որևէ հարցի վերաբերյալ իշխանությանը քննադատելիս կոռեկտ չեն քննադատում, այլ անհիմն նշում են, թե իշխանությունը չի հանդուրժում քննադատություն։ «Ձեզ ի՞նչ է թվում, մեր քաղաքացիները չե՞ն տարբերում այն իրավիճակը, երբ ասում ենք՝ մեզ մի քննադատեք ու մեկ այլ իրավիճակում երբ ասում ենք՝ քննադատեք, բայց դա արեք կոռեկտ»,- ասաց  պատգամավորը:

Անդրադառնալով «Լուսավոր Հայաստան» խմբակցության պատգամավոր Անի Սամսոնյանի այն կոչին, որ պետք չէ նեղվել այն հանգամանքից, երբ Էդմոն Մարուքյանը Քաղաքացիական ավիացիայի վարչության պետ Տաթևիկ Ռևազյանին անվանել «սիրուն աղջիկ», Գրիգորյանն ասաց. «Տիկին Սամսոնյան, եթե Ձեր նկատմամբ այդ եզրույթը չի կարելի օգտագործել, ինչո՞ւ է կարելի Քաղավիացիայի կամ պաշտոնատար այլ անձի նկատմամբ օգտագործել: Որտեղի՞ց է այդ երկակի ստանդարտների մոտեցումը: Ձեզ ինչ-որ մեկն ասել է՝ մի եղեք դժգո՞հ։ Ոչ ոք դեմ չի, որ Դուք ունենաք կարծիք այն մասին, որ այս կամ այն պաշտոնյան աշխատում է տոտալ անարդյունավետ: Դժվա՞ր էր դա ձևակերպել այնպես, որ հորդորում ենք կառավարությանը և քաղավիացիայի նախագահին անել այս կան այն: Պարտադի՞ր էր ասել «փայլուն կառավարություն» և «սիրուն աղջիկ»: Եթե դա նեղվելու չի, սրանից հետո մենք էլ կասենք՝ «փայլուն ընդդիմություն» և «սիրուն աղջիկ»»։

Մանրամասները՝ տեսանյութում։