19.10.2026 | 23:33
Հայտնաբերվել է 431 ոչ սթափ վարորդ․ պարեկների անցած շաբաթվա ծառայության արդյունքները
ՀՀ բոլոր թշնամիներին սպասում է անվերապահ պարտություն, այդ ուժերը կստանան մեր հավաքական ուժի վճռական հարվածը. Նիկոլ Փաշինյան. ՏԵՍԱՆՅՈՒԹ
Քաղաքականություն
21.06.2019 | 11:42
ՀՀ վարչապետ Նիկոլ Փաշինյանը Ոստիկանության զորքերի կազմավորման օրվա առթիվ այսօր այցելել է Ոստիկանության զորքերի գլխավոր վարչություն: «Ոստիկանության զորքերը ՀՀ արտաքին պաշտպանության գործին ներգրավելու որոշումն արտահայտում է մեր պատկերացումը ՀՀ-ի ոչ միայն արտաքին, այլև ներքին անվտանգության վերաբերյալ։ Հայ ժողովուրդը պետք է լինի միասնական և միահամուռ։ ՀՀ-ն պետք է լինի բռնությունից զերծ հանրություն, որտեղ տեղ չունեն բռնություններով հարեցր լուծելու որևէ մտայնություն, փորձ և քարոզչություն։ Այս պատկերացումը հետևողական աշխատանքով կյանքի ենք կոչելու»,- նշեց վարչապետ Նիկոլ Փաշինյանը։
Ըստ նրա՝ ՀՀ-ում սիրո և հանդուրժողականության մթնոլորտ ձևավորելու՝ իշխանության ձգտումը ոմանք փորձում են մեկնաբանել որպես թուլություն:
«Այսօր այստեղ ուզում եմ հստակ հայտարարել՝ որևէ մեկի մոտ կասկած չառաջանա, թե Հայաստանի կառավարությունը երկչոտության որևէ դրսևորում կունենա ՀՀ-ում սահմանադրական կարգը, քաղաքացիների իրավունքները, ինքնիշխանությունն ու ժողովրդավարությունը պաշտպանելու գործում։ Մեր կամքը չի սասանվի և մեր ձեռքը չի դողա բռնության քարոզչությունը վերածնողների հետ հարաբերություններում։ ՀՀ բոլոր թշնամիներին սպասում է անվերապահ պարտություն, այդ ուժերը կստանան մեր հավաքական ուժի վճռական հարվածը»,- հայտարարեց վարչապետը։
Մանրամասները՝ տեսանյութում:
Ռոբերտ Անանյան
