22.01.2026 | 18:34
Նպաստները կվճարվեն բացառապես անկանխիկ եղանակով․ նոր փոփոխություններ՝ ապրիլի 1-ից
Վահրամ Բաղդասարյանը վարչապետի աշխատանքը գնահատում է բավարար
Քաղաքականություն
11.09.2017 | 14:30
«Վարչապետը Կառավարության հետ միասին իր թիմով այն բոլոր խնդիրները, որ առաջիկա մեկ տարում պետք է ներկայացներ, այդ աշխատանքը կարճ բնութագրով կարող եմ գնահատել բավարար»,- այս մասին Factor.am-ի հետ զրույցում ասաց ԱԺ ՀՀԿ խմբակցության ղեկավար Վահրամ Բաղդասարյանը՝ անդրադառնալով վարչապետ Կարեն Կարապետյանի պաշտոնավարման մեկ տարվա ընթացքում գրանցված արդյունքներին:
Ըստ Բաղդասարյանի՝ Կառավարության աշխատանքի գնահատականը պետք է տալ ժամանակի ընթացքում. «Հիմա տալիս ենք հիմքերի գնահատականը, ի՞նչ հիմքեր, ինչ տեսլական է դրված ապագայի զարգացման համար: Այդ տեսանկյունից գնահատում ենք բավարար»:
ՀՀԿ խմբակցության ղեկավարը մեզ հետ զրույցում անդրադարձավ նաև ընդդիմադիր «Ելք» խմբակցության՝ ԵՏՄ-ից դուրս գալու նախաձեռնությանը: «Ինձ թվում է՝ իրենք համագործակցող գործընկերներ ունեն և միասին նպատակահարմար են գտել, որ այդ հարցը հնչեցնեն: Ի սկզբանե կարող եմ ասել, որ նման հարցերը չեն կարող խոչընդոտել մեր և ԵՏՄ-ի հարաբերություններին»,- շեշտեց ՀՀԿ խմբակցության ղեկավարը:
Հարցազրույցն ամբողջությամբ՝ տեսանյութում:
Շողիկ Գալստյան
