08.06.2026 | 09:41
ՀՀ տարածքում ավտոճանապարհներն անցանելի են
Եթե մի քվեարկությամբ գուժելու եք մեր խմբակցության վախճանը, ձեզ լուսավորեմ՝ նման բան չկա. Էդմոն Մարուքյան. ՏԵՍԱՆՅՈՒԹ
Քաղաքականություն
18.06.2019 | 15:45
ԱԺ «Լուսավոր Հայաստան» խմբակցությունն ազատ քվեարկություն է իրականացնելու Սահմանադրական դատարանի դատավոր ընտրելիս։ Այս մասին լրագրողների հետ զրույցում ասաց խմբակցության ղեկավար Էդմոն Մարուքյանը՝ նշելով, որ մեկ խմբակցությունում նույն հարցի վերաբերյալ կարող են լինել ծայրահեղ տարբեր դիրքորոշում ունեցող մարդիկ:
«Մենք տարբեր կարծիքները միշտ հարգել և հարգում ենք: Դուք կարծում եք` խմբակցությունները դիկտատորական կառույցնե՞ր են: Մարդիկ կան՝ կարծում են, թե օրենքն է կարևոր, մարդիկ կան, որ կարծում են՝ համատեքստը ավելի կարևոր է: Եվ դրանից ենթադրել, որ կան գաղափարական տարաձայնություններ, պարզապես գույների խտացում է»,- շեշտեց ընդդիմադիր պատգամավորը։
Մարուքյանն ասաց՝ Վահե Գրիգորյանի հետ հանդիպումից հետո խմբակցությունը երկու խնդիր էր առանձնացրել. «Խնդիրներից մեկը նշանակման ընթացակարգն էր, մյուսը՝ իշխանության հետ ունեցած հարաբերությունները: Ամեն մի ընտրությունից առաջ մենք քննարկում ենք ունենում, և երբ խմբակցության անդամների կարծիքները չեն համընկնում, պետք է թողնել՝ ազատ քվեարկեն»:
Էդմոն Մարուքյանը նաև տեղեկացրեց՝ միայն Բաբաջանյանը չէ, որ դեմ չի քվեարկելու. «Եթե մեկ ընտրությամբ դուք կարող եք գուժել մեր խմբակցության վախճանը, ես ձեզ կարող եմ լուսավորել, որ նման բան չկա»:
Մանրամասները՝ տեսանյութում:
Շողիկ Գալստյան
