19.10.2026 | 23:33
Հայտնաբերվել է 431 ոչ սթափ վարորդ․ պարեկների անցած շաբաթվա ծառայության արդյունքները
ՀՀ 4-րդ նախագահը միանշանակ ընտրված նախագահ է․ Վահե Գրիգորյանը՝ Արմեն Սարգսյանի լեգիտիմության հարցի մասին․ ՏԵՍԱՆՅՈՒԹ
Քաղաքականություն
18.06.2019 | 15:15
Սահմանադրական դատարանի դատավորի թեկնածու Վահե Գրիգորյանն այսօր խորհրդարանում անդրադարձավ 4-րդ նախագահ Արմեն Սարգսյանի լեգիտիմության վերաբերյալ պատգամավորների հարցադրումներին։
Թեկնածուն նշեց, որ այդ հարցի վերաբերյալ հարցազրույցներով է հանդես եկել այն ժամանակ, երբ դեռ 4-րդ նախագահն ընտրված չէր։
«Ես հիմնավորել եմ իմ մասնագիտական վերլուծությունը և ասել, որ 4-րդ նախագահը պետք է ընտրվեր ՀՀ քաղաքացիների կողմից, բայց 4-րդ նախագահն ընտրվեց Ազգային ժողովի կողմից։ Ես իմ այս հիմնավորումներն արել եմ դեռ 4-րդ նախագահի ընտրությունից առաջ և իմ հիմնավորումների վերաբերյալ դեռ որևէ հակափաստարկ չեմ լսել։ Նախագահի ընտրությունից հետո տեղի են ունեցել իրավաքաղաքական լրջագույն գործընթացներ, որոնցից մեկը խորհրդարանական մոդելի տեղափոխումն էր 4-րդ նախագահի երդմնակալության պահից։ Ինձ՝ որպես ՍԴ դատավորի թեկնածու, չի կարելի հարց տալ՝ ճանաչում ես լեգիտիմությունը․ դա քաղաքական հարց է։ Ինձ կարելի է հարցնել որպես թեկնածու՝ արդյոք 4-րդ նախագահն ընտրված է, արդյոք ՀՀ-ն ունի 4-րդ նախագահ և դրա պատասխանը միանշանակ այո է։ Բոլոր նրանք, ովքեր հայտարարում են, թե ՀՀ-ն չունի 4-րդ նախագահ, ոչ միայն չեն պատկերացնում իրավական անվտանգության հետևանքները, այլ նաև պատկերացում չունեն, թե ինչպես է իրավական անվտանգության գիծը սղվում և դառնում ազգային անվտանգության խնդիր»,- ասաց Վահե Գրիգորյանը։
Մանրամասները՝ տեսանյութում։
