08.12.2025 | 17:22
IDBank-ը մասնակցել է Տնօրենների հայկական ինստիտուտի 10-րդ տարեդարձին նվիրված համաժողովին
«Մշակութային կանգառ». Հայաստանի պարի պետական անսամբլը համերգով հանդես կգա Դիլիջանում և Իջևանում
Մշակույթ
06.09.2017 | 18:04
ՀՀ մշակույթի նախարարության «Մշակութային կանգառ» ծրագրի շրջանակում Հայաստանի պարի պետական անսամբլը շարունակում է իր մարզային այցելությունները:
Հայաստանի պարի պետական անսամբլի հյուրախաղերի ուղղությունը սեպտեմբերին ՀՀ Տավուշի մարզն է: Անսամբլը ելույթներ կունենա Դիլիջանում և Իջևանում:
Ս. թ. սեպտեմբերի 8-ին Դիլիջանի միջազգային դպրոցում և սեպտեմբերի 15-ին Իջևանի մշակույթի տանը նախատեսված ելույթներով Հայաստանի պարի պետական անսամբլը կեզրափակի «Մշակութային կանգառ» ծրագրով ելույթները:
Նշենք, որ կայացած 12 հյուրախաղերով անսամբլը հանդես է եկել Վանաձորում, Արարատում, Գյումրիում, Էջմիածնում, Վերին Արտաշատում, Սպիտակում, Աբովյանում, Շուշիում, Քարվաճառում, Ապարանում և Սևանում:
Անսամբլի գլխավոր բալետմայստեր՝ ՀՀ վաստակավոր արտիստ Ասատուր Կարապետյան, երաժշտական մասի ղեկավար` կոմպոզիտոր Հայկ Գրիգորյան:
Հիշեցնենք, ՀՀ մշակույթի նախարարության «Մշակութային կանգառ» ծրագիրը մեկնարկել է ս. թ. հունվարի 26-ին: Ծրագրի շրջանակում, ՀՀ և ԼՂՀ 98 համայնքում, ընդհանուր առմամբ, կիրականացվի 426 միջոցառում` թատերահամերգային ծրագրեր, ցուցահանդեսներ, կինոցուցադրություններ:
Ծրագրի գլխավոր հովանավորն է «Մարդկային ռեսուրսների «Փյունիկ» հիմնադրամը»:
