07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Ինչո՞ւ էին ՀՅԴ-ական երիտասարդները հանդիպում պահանջում Լիլիթ Մակունցի հետ․ ՏԵՍԱՆՅՈՒԹ
Քաղաքականություն
31.05.2019 | 15:32
ՀՅԴ ՀԵՄ «Ահազանգ» նախաձեռնության անդամներն այսօր «Համահարթեցում չի լինելու» պաստառներով ու վանկարկումներով Ազգային ժողովի դարպասների մոտ հերթական ակցիան իրականացրին։
Նախաձեռնության անդամների պահանջն անփոփոխ է՝ ամեն ինչ անել, որպեսզի չեղարկվի Հարկային օրենսգրքի փոփոխությունների փաթեթում տեղ գտած` եկամտային հարկի համահարթ սկզբունքը, այսինքն՝ բոլորին նույն դրույքաչափով հարկելը։
Ակցիայի մասնակիցները պահանջեցին խորհրդարանական «Իմ քայլը» մեծամասնության ղեկավար Լիլիթ Մակունցի հետ հանդիպում: Լիլիթ Մակունցը լսեց նրանց, ասաց՝ կծանոթանա նամակի բովանդակությանը։
«Հուսով եմ` կառուցողական քննարկում կունենանք, ու բոլոր հարցերը կքննարկվեն։ Իսկ ձեր՝ այստեղ իրականացվող ակցիայի մասով ոչինչ ասել չեմ կարող, դա ձեր իրավունքն է»,- ասաց Մակունցը:
Դաշնակցական երիտասարդները բողոքի ակցիան եզրափակեցին՝ ԱԺ դարպասների դիմաց հագուստ թողնելով, որը խորհրդանշում է սովորական քաղաքացիների առօրյան։ «Այնպես չլինի, որ մեր պատգամավորները կտրվեն իրականությունից՝ չտեսնելով, թե ինչպիսին է մարդկանց սոցիալական վիճակը»,- նշեցին նրանք:
Մանրամասները՝ տեսանյութում:
Նարեկ Կիրակոսյան
