13.01.2026 | 16:31
Վինուս Ուիլյամսի մրցախաղում գրանցվել է տարիքային ռեկորդ. ՏԵՍԱՆՅՈՒԹ
Ձեզ մածուն եմ բերել, որ չթունավորեք աշխատանքային միջավայրը. Համազասպ Դանիելյանը՝ Էդմոն Մարուքյանին․ ՏԵՍԱՆՅՈՒԹ
Քաղաքականություն
31.05.2019 | 10:28
Ազգային ժողովի «Իմ քայլը» խմբակցության պատգամավոր Համազասպ Դանիելյանն այսօր ԱԺ ամբիոնին մոտեցավ մեկ բաժակ մածունով։
Դանիելյանն անդրադարձավ էդմոն Մարուքյանի այն քննադատություններին, որ ԵՊՀ-ի խորհրդում են հայտնվել իշխող ուժի պատգամավորներ և նշեց, որ ինքը ԵՊՀ հոգաբարձուների խորհրդի անդամ է, առաջարկը ստացել է մինչ արտահերթ ընտրությունների օրվա մասին հայտնի դառնալը ու առաջարկը կապված է եղել իր գիտական գործունեության հետ։
Անդրադառնալով ԵՊՀ-ում երեկ կայացած ռեկտորի ժամանակավոր պաշտոնակատարի ընտրությանը, Դանիելյանը նշեց․ «Բարձր ստանդարտներից, շահերի բախումից է խոսում պարոն Մարուքյանը, բայց այդպես էլ չասաց՝ թեկնածուներից որևէ մեկի հետ առնչություն ունի՞, թե՝ չէ: Ես երկուսի հետ էլ անձնական որևէ կապ չունեմ»։
Ըստ Դանիելյանի՝ էդմոն Մարուքյանն իր ելույթով խփում է և՛ նալին, և՛ մեխին։
«Ի վերջո՝ ի՞նչ կմնա «կլասիկ» պատգամավորից, եթե այդ պատգամավորը կլասը գցի, տակը ի՞նչ կմնա»,- ասաց նա՝ նաև ներկայացնելով, թե ինչու է ԱԺ ամբիոնին մոտեցել մեկ բաժակ մածունով։
«Քանի որ դուք սիրում եք պերֆորմացնել հարցերը՝ կոստյում և այլն, ես սրանով (ձեռքով ցույց է տալիս ամբիոնին դրված մածունը- խմբ.) Ձեզ կոչ եմ անում այս աշխատանքային միջավայրը չթունավորել»,- ասաց նա։
Մանրամասները՝ տեսանյութում։
