ՄԽ համանախագահները ներկայացրել են ԼՂ խնդրի կարգավորման առաջարկներ

ԵԱՀԿ Մինսկի խմբի համանախագահները մայիսի 27-30 տարածաշրջան այցելությունից հետո հանդես են եկել համատեղ հայտարարությամբ, որում ասված է.

«ԵԱՀԿ Մինսկի խմբի համանախագահները (Իգոր Պոպովը` ՌԴ-ից, Ստեֆան Վիսկոնտին՝ Ֆրանսիայից և Էնդրյու Շոֆերն` ԱՄՆ-ից), ԵԱՀԿ գործող նախագահի անձնական ներկայացուցիչ Անջեյ Կասպրչիկի հետ մայիսի 27-ից 30-ը  համատեղ տարածաշրջանային այց են կատարել:

Համանախագահները մայիսի 27-ին հանդիպել են ՀՀ վարչապետ Նիկոլ Փաշինյանին և մայիսի 30-ին՝ Ադրբեջանի նախագահ Իլհամ Ալիևին:

Երկու երկրների մայրաքաղաքներում  նախագահները խորհրդատվություն են անցկացրել՝ համապատասխանաբար Արտաքին գործերի և Պաշտպանության նախարարների հետ:

Մայիսի 28-ին Արցախում համանախագահները  հանդիպում են ունեցել փաստացի իշխանությունների հետ: Բաքվում ԵԱՀԿ Մինսկի խմբի համանախագահները հանդիպել են  Ադրբեջանի ղարաբաղյան համայնքի ղեկավարի հետ:

Արցախում միջնորդները Կարմիր խաչի միջազգային կոմիտեի  ներկայացուցչի հետ  մարդասիրական հարցերով ճեպազրույց են ունեցել:

Այցի գլխավոր նպատակը շփման գծում և միջազգային սահմանին իրավիճակի գնահատումն, ինչպես նաև մարտի 29-ին Վիեննայում Ադրբեջանի նախագահի և Հայաստանի վարչապետի և ապրիլի 15-ին՝ Մոսկվայում երկու երկրների արտգործնախարարների  քննարկումներին հետևելն էր:

Մինսկի խմբի համանախագահները հակամարտության կարգավորման վերաբերյալ հստակ առաջակներով են հանդես եկել՝ ներառյալ մարդասիրական և անվտանգության սկզբունքները:

Հայաստանի և Ադրբեջանի արտգործնախարարաներն ընդունել են համանախագահների առաջարկը՝ առաջիկայում իրենց հովանու ներքո հանդիպում անցկացնելու վերաբերյալ:

Հանդիպման մանրամասները կհայտարարվեն համապատախան ժամկետներում:

Միսնկի խմբի համանախագաները խորը մտահոգություն են հայտնել վերջին շրջանում ունեցած կորուստների համար և կողմերին կոչ արել առավելագույն զսպվածություն ցուցաբերել՝ իրավիճակի սրումից խուսափեու համար»:

Նելլի Մելքոնյան