20.04.2026 | 14:31
Երևանում մեկնարկել է Plug and Play-ի ստարտափների աջակցության ծրագրի երրորդ փուլը
Արամ Սիմոնյանը վաղուց պետք է հեռացած լիներ. Արայիկ Հարությունյան. ՏԵՍԱՆՅՈՒԹ
Քաղաքականություն
30.05.2019 | 13:05
Վերջին զանգի կապակցությամբ դրամահավաք իրականացնելու վերաբերյալ ահազանգեր գրեթե չենք ունեցել: Կառավարության նիստից հետո լրագրողների հետ ճեպազրույցում այս մասին ասաց ՀՀ կրթության և գիտության նախարար Արայիկ Հարությունյանը:
«Եվ ֆիքսվում է, որ շատ զգալի նվազել են այս առումով ահազանգերը։ Ավելին, այն դպրոցները, որտեղ գնացի, թե՛ ուսուցիչները, թե՛ երեխաները մոտենում և ասում էին, որ այս տարի աննախադեպ է եղել դրամահավաքների առումով, որ որևէ դեպք չի գրանցվել, որևէ պարտադրանք չի եղել։ Ահազանգերը քիչ են»,- հավելեց Հարությունյանը:
Նա նշեց, որ չի կարող ասել՝ դրամահավաք ընդհանրապես չկա, բայց ծավալները քիչ են:
Հարցին՝ ճի՞շտ են մամուլի հրապարակումները, որ ԿԳ նախարարությունը ԵՊՀ-ի ռեկտորի թեկնածու ունի՝ Գեղամ Գևորգյանը, նախարարը պատասխանեց. «Այսօր խորհրդի նիստ է, այդ ժամանակ թեկնածուներ կառաջադրվեն: Որպես ԿԳ նախարար՝ թեկնածուների հարցը քննարկում եմ, բայց հանրային չեմ մեկնաբանում որևէ թեկնածություն, որպեսզի դա հետագայում չդիտվի որպես ուղղորդում»:
Մանրամասները՝ տեսանյութում:
