27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Կառավարությունն առաջարկում է «Պատիվ ունեմ» ծրագրի ժամկետը 3-ից դարձնել 2 տարի․ ՏԵՍԱՆՅՈՒԹ
Քաղաքականություն
30.05.2019 | 12:05
ՀՀ կառավարությունը առաջարկում է պայմանագրային զինվորական ծառայության ընդունվելու ժամկետը 36-ից դարձնել 40 տարեկան, իսկ առանձին մասնագիտությունների դեպքում՝ 45, «Պատիվ ունեմ» ծրագրի նվազագույն ժամկետն էլ 3 տարուց դարձնել 2 տարի:
Այս մասին որոշման նախագիծն այսօր խորհրդարանում ներկայացրեց ՀՀ պաշտպանության փոխնախարար Գաբրիել Բալայանը։
«Նախագծի մի քանի հոդվածներով հստակեցվում են պայմանագրային զինվորական ծառայություն անցնելու ժամկետները: Վերականգնվում է նախկինում գործող պայմանագրային զինվորական ծառայություն ընդունվելու տարիքը՝36-ից դառնալով 40 տարեկան: Հանձնաժողովում քննարկման ժամանակ լրացում է կատարվել, առաջարկվել է հազվագյուտ մասնագիտությունների գծով սահմանել 45 տարին: Նախատեսվում է նաև քաղաքացու պարտադիր զինվորական ծառայությունից ազատելու դիմումը կառավարության լիազորված պետական մարմնի կողմից մերժելու հնարավորությունը կառավարության կողմից սահմանված կարգով նշված դեպքերում: Այս նախագծով նաև առաջակվում է, որ այսօր գործող «Պատիվ ունեմ» ծրագրի նվազագույն 3 տարի ժամկետը կրճատվի մինչև 2 տարի»,- ասաց Բալայանը:
Նախագծով առաջարկվում է նաև միջին մասնագիտական ուսումնական հաստատություններում սովորող բոլոր քաղաքացիներին, որոնք զինապարտ են, տրամադրել տարկետում մինչ ուսումնառության ավարտը:
Մանրամասները՝ տեսանյութում։
