22.01.2026 | 20:10
Պուտինն Աբբասին ասել է, որ Ռուսաստանը պատրաստ է 1 միլիարդ դոլար ուղարկել Խաղաղության խորհրդին
ԱՄՆ-ի՝ Ուկրաինա զենքի մատակարարումը վատթարացնում է իրավիճակը. Պուտինը՝ հակամարտության գոտի զենք մատակարարելու մասին
Քաղաքականություն
05.09.2017 | 16:41
ԱՄՆ-ի կողմից օրինական զենքի հնարավոր մատակարարումներն Ուկրաինա չեն փոխի Դոնբասում իրավիճակը, այլ կհանգեցնեն զոհերի թվի աճին: Այդ մասին հայտարարել է ՌԴ նախագահ Վլադիմիր Պուտինը ԲՐԻԿՍ-ի գագաթնաժողովի արդյունքներով մամուլի ասուլիսի ժամանակ, հայտնում է «Известия»-ն:
«Դա ԱՄՆ-ի ինքնիշխան որոշումն է՝ ում վաճառել զենք կամ անվճար մատակարարել, ինչպես նաև այդ օգնությունը ստացող երկրի որոշումն է: Մենք այդ գործընթացի վրա որևէ կերպ չենք կարող ազդել: Բայց կան միջազգային ընդհանուր օրենքներ և մոտեցումներ՝ հակամարտության գոտի զենքի մատակարարումները չեն նպաստում խաղաղությանը, այլ միայն բատթարացնում են իրավիճակը»,- ասել է Պուտինը:
Ռուսաստանի նախագահը հավելել է, որ զենքի մատակարարումները կարող են այլ տարածքներում ռազմական ուժի կիրառում հրահրել: «Ցանկանում եմ ընդգծել, որպեսզի բոլորին հասկանալի լինի՝ ոչինչ չի փոխվի: Զոհերի թիվը կարող է ավելանալ, և դա ցավալի է»,- կրկնել է երկրի ղեկավարը:
