02.09.2026 | 23:08
31 տեսախցիկ, 48 նոր ավտոմեքենա և ուսումնաարտադրական կենտրոններ․ Սրբուհի Գալյանը ներկայացրել է բարեփոխումները
«Քաղաքական իշխանությունը չէր թողնում». Վանեցյանը Սաշիկ Սարգսյանի 50-ների մասին սենսացիոն բացահայտում է անում. ՏԵՍԱՆՅՈՒԹ
Քաղաքականություն
24.05.2019 | 13:49
ԱԱԾ տնօրեն Արթուր Վանեցյանն ԱԺ-ում լրագրողների հետ զրույցում անդրադարձավ քաղաքացիներից մեկի այն հայտարարությանը, որ «ԱԱԾ-ն դարձել է Սաշիկ»: Ըստ Վանեցյանի՝ քաղաքացին նկատի է ունեցել, որ ԱԱԾ-ն «փայ» է մտնում:
«Ես ուզում եմ հարցնել՝ ինչ-որ մեկը բերել, իր գումարների 50 տոկոսն ինձ է տվե՞լ: Եթե նման բան կլինի, պատրաստ եմ գնալ, պատասխանատվություն կրել, եթե կբերի մեկ հիմնավոր փաստ»,- ասաց Վանեցյանը:
Factor.am-ի դիտարկմանը՝ այսինքն նախկինում Սաշիկ Սարգսյանին 50 տոկոսներ մուծվե՞լ են, եթե այդ օրինակով է խոսում, ԱԱԾ տնօրենը արձագանքեց. «Դուք պուճուր ժամանակ «КВНն»-ում խաղացե՞լ եք»: Պարոն Վանեցյանին խնդրեցինք հստակեցնել, հաստատո՞ւմ է, որ Սաշիկ Սարգսյանին 50 տոկոսներ մուծվել են: «Ես չեմ հաստատել: Ալեքսանդր Սարգսյանի հաշվին եղել է երեսուն և ավելի միլիոն դոլար, որևէ մեկի մոտ հարց առաջանո՞ւմ է, թե որտեղից այդ գումարները»,- պատասխանեց Վանեցյանը:
Դիտարկմանը, թե նախկինում էլ է ԱԱԾ համակարգում աշխատել, ինչու՞ չէր բարձրաձայնում, Արթուր Վանեցյանն ասաց. «Նախկինում ունեցել ենք տեղեկություններ, քաղաքական ղեկավարությունը թույլ չէր տալիս գործերին մոտենալ»: Factor.am-ը պարոն Վանեցյանից հետաքրքրվեց՝ այդ դեպքում ինչո՞ւ էր շարունակում մնալ այդ համակարգում, ինչին ԱԱԾ տնօրենը պատասխանեց. «Որովհետև ես ծառայում էի և շարունակում եմ ծառայել ՀՀ-ին: Եթե ես հրաժարական տայի, ի՞նչ էր փոխվելու»:
Մանրամասները՝ տեսանյութում:
Նարեկ Կիրակոսյան
